കാറിടിച്ച് സ്‌കൂട്ടറില്‍ സഞ്ചരിച്ച യുവാവ് മരിച്ചു: മരണം വിവാഹ തയ്യാറെടുപ്പിനിടെ

കാസര്‍കോട് (www.evisionnews.in): ഇടവുങ്കാലില്‍ സ്‌കൂട്ടറും കാറും കൂട്ടിയിടിച്ചു യുവാവ് മരിച്ചു. സ്‌കൂട്ടര്‍ യാത്രക്കാരനായ അരമങ്ങാനം കൂവ്വത്തൊട്ടിയിലെ സുജിത്താ (29)ണ് മരിച്ചത്. കൂടെയുണ്ടായിരുന്ന സുഹൃത്ത് കുന്നുപാറയിലെ നാരായണന്റെ മകന്‍ രാജുവിനെ (28) ഗുരുതര പരിക്കുകളോടെ മംഗളൂരുവിലെ ആശുപത്രിയില്‍ പ്രവേശിപ്പിച്ചു.

ഞായറാഴ്ച രാത്രി എട്ട് മണിയോടെയാണ് അപകടമുണ്ടായത്. കാസര്‍കോട് ഭാഗത്ത് നിന്നും കളനാട് ഭാഗത്തേക്ക് പോവുകയായിരുന്ന കാറും എതിരെ വന്ന സ്‌കൂട്ടറുമാണ് കൂട്ടിയിടിച്ചത്. സുജിത്തിനെയും രാജുവിനെയും ഉടന്‍ തന്നെ കാസര്‍കോട്ടെ ആശുപത്രിയിലെത്തിച്ചെങ്കിലും പിന്നീട് മംഗളൂരുവിലേക്ക് മാറ്റുകയായിരുന്നു. എന്നാല്‍ വഴിമധ്യേ സുജിത്ത് മരിക്കുകയായിരുന്നു. വിവാഹത്തിനുള്ള തയാറെടുപ്പുകള്‍ നടത്തുന്നതിടയിലാണ് സുജിത്തിനെ മരണം തട്ടിയെടുത്തത്. 

കാറിലുണ്ടായിരുന്ന കളനാട് അയ്യങ്കോലിലെ അബ്ദുല്‍ റഹ്മാന്റെ മകന്‍ ജംഷീദ് (22), സഹോദരിയും അംജദിന്റെ ഭാര്യയുമായ ജസി (20) എന്നിവര്‍ക്കും പരിക്കേറ്റിട്ടുണ്ട്. ഇവരെ കാസര്‍കോട്ടെ ആശുപത്രിയില്‍ പ്രവേശിപ്പിച്ചു. 

ഭട്ട്യന്‍ -കാര്‍ത്യായനി ദമ്പതികളുടെ മകനാണ് സുജിത്ത്. അവിവാഹിതനാണ്. സഹോദരങ്ങള്‍: സുധീഷ്, സുമലത, സുചിത്ര.

Keywords: Kasaragod-news-accident