ട്രാന്‍സ്‌പോര്‍ട്ട് ബസില്‍ നിന്ന് ടിക്കറ്റും പണവും നഷ്ടപ്പെട്ടു

കാസര്‍കോട് (www.evisionnews.in): ഡിപ്പോയില്‍ നിര്‍ത്തിയിട്ട ബസില്‍ നിന്ന് ടിക്കറ്റ് റാക്കും 800 രൂപയും കാണാതായി. ശനിയാഴ്ച വൈകിട്ട് കാസര്‍കോട് കെഎസ്ആര്‍ടിസി ഡിപ്പോയിലാണ് സംഭവം. ഡിപ്പോയിലെ മൂന്നാമത്തെ കേസാണിത്. ഒരാഴ്ചമുമ്പ് രണ്ടു സംഭവങ്ങളിലായി ടിക്കറ്റ് റാക്കും പണവും മോഷണം പോയിരുന്നു. കാഞ്ഞങ്ങാട് ഡിപ്പോയിലും സമാനരീതിയില്‍ ഒരു കേസുണ്ട്. ഒരേ സംഘമാണ്് ഇതിന് പിന്നിലെന്നാണ് പോലീസിന്റെ സംശയം. സംഭവത്തെ കുറിച്ച് വിശദമായി അന്വേഷണം നടത്തിവരുന്നു.