മംഗളൂരു (www.evisionnews.in): അജ്ഞാതസംഘത്തിന്റെ ആക്രമണത്തില്‍ വെട്ടേറ്റ് ഗുരുതരാവസ്ഥയിലായ ബിജെപി പ്രവര്‍ത്തകന്റെ ആരോഗ്യനില ഗുരുതരം. ജോക്കട്ടയില്‍ ഞായറാഴ്ച വൈകിട്ടാണ് ബിജെപി പ്രവര്‍ത്തകന്‍ പ്രകാശ് പൂജാരി (36) ക്ക് വെട്ടേറ്റത്. തൊക്കൂര്‍ കോടിക്കര സ്വദേശിയാണ്.
കടയില്‍ നിന്ന് വീട്ടിലേക്ക് സ്‌കൂട്ടറില്‍ പോവുമ്പോഴാണ് ജോക്കട്ട മൂന്നാം ഗെയ്റ്റിന് സമീപം തടഞ്ഞുവെച്ച് ആക്രമിച്ചത്. യുവാവ് മരിച്ചെന്ന് കരുതി രണ്ടു ബൈക്കുകളിലെത്തിയ സംഘം സ്ഥലം വിട്ടു. ചോരയില്‍ കുളിച്ചു കിടന്ന പ്രകാശിനെ നാട്ടുകാരാണ് ആശുപത്രിയില്‍ പ്രവേശിപ്പിച്ചത്. അക്രമത്തെ തുടര്‍ന്ന് ജോക്കട്ടയിലും പരിസരത്തും സംഘര്‍ഷം ഉടലെടുത്തു. പോലീസെത്തി സ്ഥിതിഗതികള്‍ നിയന്ത്രിക്കുകയായിരുന്നു. പ്രതികള്‍ക്ക് വേണ്ടിയുള്ള തിരച്ചില്‍ തുടരുന്നു.
Keywords: Kasaragod-news-manglore-bjp-attack
Post a Comment
0 Comments