കിടപ്പുമുറിയില്‍ തീകൊളുത്തി വസ്ത്രങ്ങളും മറ്റുംകത്തിനശിച്ചു

മാവുങ്കാല്‍:(www.evisionnews.in) വീട്ടിലേക്ക് അതിക്രമിച്ചുകയറി മുറിയില്‍ ഡീസലൊഴിച്ച് തീയിട്ടു.വസ്ത്രങ്ങളും വീട്ടുപകരണങ്ങളും കത്തിനശിച്ചു.

മാവുങ്കാല്‍ മൂലക്കണ്ടത്തെ സുബ്രഹ്മണ്യന്റെ വീട്ടിലാണ് കഴിഞ്ഞ ദിവസം തീവെപ്പുണ്ടായത്. ജനലിലൂടെ അകത്തേക്ക് ഡീസല്‍ ഒഴിച്ച് തീകൊളുത്തിയതിനെ തുടര്‍ന്ന് അയലില്‍ കിടന്ന വസ്ത്രങ്ങളും കസേരകളും മറ്റും കത്തിനശിച്ചു. 

ഇതുസംബന്ധിച്ച് സുബ്രഹ്മണ്യന്റെ ഭാര്യ ലീലയുടെ പരാതിയില്‍ മാവുങ്കാലിലെ നാരായണന്റെ മകന്‍ മനോജിനെതിരെ ഹോസ്ദുര്‍ഗ് പോലീസ് കേസെടുത്തു.