കാസര്‍കോട്:(www.evisionnews.in)2016 റവന്യൂ ഡേയുടെ ഭാഗമായി ജില്ലയിലെ റവന്യൂ വകുപ്പിലെ മികച്ച ഉദ്യോഗസ്ഥര്‍ക്കുളള പുരസ്‌കാരങ്ങള്‍ ജില്ലാകളക്ടര്‍ പ്രഖ്യാപിച്ചു. സ്തുത്യര്‍ഹമായ സേവനത്തിന് എന്‍ഡോസള്‍ഫാന്‍ സെല്‍ ഡെപ്യൂട്ടി കളക്ടര്‍ ഡോ. പി കെ ജയശ്രീയെ മികച്ച ഡെപ്യൂട്ടി കളക്ടറായും ഹോസ്ദുര്‍ഗ് താലൂക്കിലെ അഡീഷണല്‍ തഹസില്‍ദാര്‍ പി കെ ശോഭയെ മികച്ച തഹസില്‍ദാരായും തെരെഞ്ഞെടുത്തു. ഹോസ്ദുര്‍ഗ് താലൂക്കിലെ എന്‍ മണിരാജിനാണ് മികച്ച ഡെപ്യൂട്ടി തഹസില്‍ദാര്‍ക്കുളള പുരസ്‌കാരം. ബന്തടുക്ക വില്ലേജ് ഓഫീസിലെ ജി സുരേഷ്ബാബുവിനെയും തെക്കില്‍ വില്ലേജ് ഓഫീസിലെ കെ രമേശന്‍ പൊയ്‌നാച്ചിയെയും ഷേണി വില്ലേജ് ഓഫീസിലെ സുബ്ബയ്യ നായിക് പളളക്കാനയെയും മികച്ച വില്ലേജ് ഓഫീസര്‍മാരായും തെരെഞ്ഞെടുത്തു. ജില്ലാകളക്ടര്‍ അധ്യക്ഷനായുളള സമിതിയാണ് പുരസ്‌കാരജേതാക്കളെ നിര്‍ണ്ണയിച്ചത്. പുരസ്‌കാരജേതാക്കള്‍ 24ന് രാവിലെ 10.30ന് തിരുവനന്തപുരം വി ജെ ടി ഹാളില്‍ നടക്കുന്ന ചടങ്ങില്‍ റവന്യൂ വകുപ്പ് മന്ത്രി അടൂര്‍ പ്രകാശില്‍ നിന്ന് അവാര്‍ഡ് ഏറ്റുവാങ്ങും.
Post a Comment
0 Comments