കാസര്‍കോട്:(www.evisionnews.in) സിപിഎം പാര്‍ട്ടി ഗ്രാമമെന്ന് അവകാശപ്പെടുന്ന കുണ്ടം കുഴിയില്‍ ബിജെപി പാര്‍ട്ടി ഓഫീസിന് നേരെ നടത്തി കൊണ്ടിരിക്കുന്ന സിപിഎം അക്രമണം ജനാധിപത്യത്തോടുള്ള വെല്ലുവിളിയാണെന്ന് ബിജെപി ജില്ലാ പ്രസിഡണ്ട് അഡ്വ .കെ.ശ്രീകാന്ത് പറഞ്ഞു.
ഇടത് പക്ഷ നേതാക്കളുടെ ജനാധിപത്യ വിരുദ്ധപ്രവര്‍ത്തനങ്ങളുടെ ഫലമായി ഈ പ്രദേശത്ത് നിന്ന് വ്യാപകമായി സിപിഎം പ്രവര്‍ത്തകര്‍ ബിജെപിയിലേക്ക് വന്നു കൊണ്ടിരിക്കുകയാണ്. ഇതില്‍ വിറളിപൂണ്ട സിപിഎം നേതൃത്വം ജനങ്ങളെ ഭീതിയുടെ മുല്‍ മുനയില്‍ നിര്‍ത്തി പാര്‍ട്ടിയില്‍ നിന്നുള്ള കൊഴിഞ്ഞ് പോക്ക് തടയാനായി നിരന്തരമായി ബിജെപി ഓഫീസിന് നേരെ അക്രമണം അഴിച്ച് വിടുകയാണ്.
സിപിഎം ജില്ലാ നേതൃത്വത്തിന്റെ അറിവോടെ പ്രാദേശിക നേതൃത്വം നടത്തി കൊണ്ടിരിക്കുന്ന അക്രമണം അവസാനിപ്പിക്കാന്‍ തയ്യാറാകണം. അണികളുടെ കൊഴിഞ്ഞ് പോക്ക് തടയാനാകാതെ ബിജെപി പാര്‍ട്ടി ഓഫിസിന് നേരെ നടത്തുന്ന അക്രണം സിപിഎം നേതൃത്വത്തിന് പ്രദേശത്തുള്ള സ്വാധീനം കുറഞ്ഞ് വരുന്നുവെന്നതിന്റെ തെളിവാണ്. ക്രിമിനല്‍ സംഘത്തെ ഉപയോഗിച്ച് സിപിഎം അക്രമണം നടത്തി സാധാരണ ജനങ്ങളുടെ സമാധാനാന്തരീക്ഷം തകര്‍ത്തു കൊണ്ടുള്ള പ്രവര്‍ത്തനങ്ങള്‍ അവസാനിപ്പിച്ചില്ലെങ്കില്‍ ജനാധിപത്യ രീതിയില്‍ ബിജെപി മറുപടി നല്‍കുമെന്ന് അദ്ദേഹം കൂട്ടിച്ചേര്‍ത്തു.
Keywords: Kasaragod-news-bjp-srikanth
Post a Comment
0 Comments