കാസര്കോട്:(www.evisionnews.in) ആലൂര്‍ നൂറുല്‍ ഹുദ യുവജന സംഘം സില്‍വര്‍ ജൂബിലി ആഘോഷവും അതിനിടനുബന്ധിച്ചുള്ള സ്വലാത്ത്‌ മജ്‌ലിസും മതപ്രഭാഷണ പരമ്പരയും ഇന്ന്‌ തുടങ്ങും. 25 വരെ നീണ്ടു നില്‍ക്കും. 21ന്‌ രാത്രി എട്ടു മണിക്ക്‌ മുസ്‌തഫ സഖാഫി ഉദ്‌ഘാടനം ചെയ്യും. അബൂബക്കര്‍ തായത്ത്‌ അധ്യക്ഷത വഹിക്കും. അഷറഫ്‌ അഷറഫി പന്താവൂര്‍ പ്രഭാഷണം നടത്തും. തുടര്‍ന്നുള്ള ദിവസങ്ങളില്‍ അന്‍വര്‍ അലി ഹുദവി കൊണ്ടോട്ടി, അലി അക്‌ബര്‍ ബാഖവി കനിയാപുരം, അല്‍ ഹാഫിള്‌ അഫ്‌സല്‍ ഖാസിമി കൊല്ലം പ്രഭാഷണം നടത്തും. 25ന്‌ വൈകിട്ട്‌ നാലു മണിക്ക്‌ പ്രവാസി സംഗമം നടക്കും. മുളിയാര്‍ ഗ്രാമപഞ്ചായത്ത്‌ പ്രസിഡണ്ട്‌ ഖാലിദ്‌ ബെള്ളിപ്പാടി ഉദ്‌ഘാടനം ചെയ്യും. വാര്‍ഡ്‌ മെമ്പര്‍ എം.എ.അസീസ്‌ അധ്യക്ഷത വഹിക്കും. രാത്രി ഏഴു മണിക്ക്‌ നടക്കുന്ന സ്വലാത്ത്‌ മജ്‌ലിസിനും കൂട്ടുപ്രാര്‍ത്ഥനയ്‌ക്കും പാണക്കാട്‌ സയ്യിദ്‌ ബഷീറലി ശിഹാബ്‌ തങ്ങള്‍ നേതൃത്വം നല്‍കും. തുടര്‍ന്നു നടക്കുന്ന സമാപന സമ്മേളനം ഖാസി പ്രൊഫ.കെ.ആലികുട്ടി മുസ്‌ലിയാര്‍ ഉദ്‌ഘാടനം ചെയ്യും.
Post a Comment
0 Comments