പെര്‍വാഡ് എസ്സാ സ്‌കൂള്‍ സില്‍വര്‍ ജൂബിലി നിറവില്‍

മൊഗ്രാല്‍ :(www.evisionnews.in)കുമ്പളയ്ക്ക് സമീപം പെര്‍വാഡിലെ എസ്സാ സ്‌കൂള്‍ സില്‍വര്‍ ജൂബിലി ആഘോഷിക്കുന്നു.ജനുവരി 19 മുതല്‍ 22 വരെ ആഘോഷ പരിപാടികള്‍ നീണ്ട് നില്‍ക്കും . 19, 20 തീയ്യതികളില്‍ പുസ്തകമേളയുണ്ട്.19 മുതല്‍ 22 വരെ പുഷ്പഫല പ്രദര്‍ശനവുമുണ്ടാകും. ഫുഡ്‌ഫെസ്റ്റും സംഘടിപ്പിച്ചിട്ടുണ്ട്.സില്‍വര്‍ ജൂബിലി സമാപന സമ്മേളനം 21ന് ആഭ്യന്തര മന്ത്രി രമേഷ് ചെന്നിത്തല ഉദ്ഘാടനം ചെയ്യും. മൊഗ്രാല്‍ വെല്‍ഫയര്‍ ട്രസ്റ്റ് ചെയര്‍മാനും സ്‌കൂള്‍ എം.ഡിയുമായ കെ.എം ഇദ്ദീന്‍ മൊഗ്രാലിനെ മന്ത്രി ആദരിക്കും.കര്‍ണ്ണാടക മന്ത്രിമാരായ യു.ടി ഖാദര്‍, രമാന്ദറൈ ,പി കരുണാകരന്‍ എം.പി, എം.എല്‍.എമാരായ പി.ബി അബ്ദുല്‍ റസ്സാഖ്, എന്‍.എ നെല്ലിക്കുന്ന് , ജില്ലാ പഞ്ചായത്ത് പ്രസിഡണ്ട് എ.ജി.സി ബഷീര്‍, മുന്‍ മന്ത്രിമാരായ സി.ടി അഹ്മദലി, ചെര്‍ക്കളം അബ്ദുല്ല, ജില്ലാ കലക്ടര്‍ പി.എസ് മുഹമ്മദ് സഗീര്‍, ജില്ലാ പോലീസ്ചീഫ് എ. ശ്രീനിവാസ് തുടങ്ങിയവര്‍ സംബന്ധിക്കും.22ന് സ്‌കൂള്‍ വാര്‍ഷികാഘോഷവും നടക്കും

പത്രസമ്മേളനത്തില്‍ ഇദ്ദീന്‍ മൊഗ്രാല്‍, പ്രൊഫ.പി.സി.എം കുഞ്ഞി, ഹയര്‍ സെക്കണ്ടറി പ്രിന്‍സിപ്പല്‍ തമ്പാന്‍ നായര്‍, ഹൈസ്‌കുള്‍ പ്രിന്‍സിപ്പല്‍ നിസാര്‍ അഹ്മദ്, അനിത ഡിസൂസ തുടങ്ങിയവര്‍ പങ്കെടുത്തു