കാസര്‍കോട് (www.evisionnews.in): കിണറിന്റെ ചുറ്റുമതിലിലിരുന്ന് കൂട്ടുകാരോട് സംസാരിച്ചുകൊണ്ടിരിക്കെ അബദ്ധത്തില്‍ കാല്‍വഴുതി വീണുമരിച്ചു. തളങ്കര ബാങ്കോട് സ്വദേശിയും പള്ളിക്കരയില്‍ താമസക്കാരനുമായ അബ്ദുല്‍ അസീസാ (47)ണ് മരിച്ചത്. തിങ്കളാഴ്ച വൈകിട്ട് മൂന്നര മണിയോടെ ചെമ്മനാട്ടെ ഒരു സ്വകാര്യ വ്യക്തിയുടെ പറമ്പിലാണ് സംഭവം.
ജോലിക്കെത്തിയ അസീസ് കൂടെയുണ്ടായിരുന്ന രണ്ടുപേരോട് കിണറിന്റെ ചുറ്റു മതിലിലിരുന്ന് സംസാരിച്ചുകൊണ്ടിരിക്കെ കിണറ്റില്‍ വീഴുകയായിരുന്നു. ഫയര്‍ഫോഴ്‌സെത്തി അസീസിനെ പുറത്തെടുത്തുവെങ്കിലും ജീവന്‍ രക്ഷിക്കാനായില്ല. ഹസൈനാര്‍ -ബീഫാത്തിമ ദമ്പതികളുടെ മകനാണ്. ഭാര്യ: നഫീസ. മക്കള്‍: നിസാമുദ്ദീന്‍ (ദുബൈ), നിയാസ്, നിഹാല, നിഷാന, അര്‍ഷാന (വിദ്യാര്‍ത്ഥികള്‍). സഹോദരങ്ങള്‍: സുഹറ, സഫിയ, പരേതനായ അബ്ദുല്‍റഹ്മാന്‍.
Post a Comment
0 Comments