കാഞ്ഞങ്ങാട്:(www.evisionnews.in) മന്ത്രി പി.കെ കുഞ്ഞാലിക്കുട്ടി നയിക്കുന്ന കേരളയാത്രയിലെ കാഞ്ഞങ്ങാട്ടെ സ്വീകരണ പരിപാടി കഴിഞ്ഞ് മടങ്ങുകയായിരുന്ന കാലിച്ചാനടുക്കം സ്വദേശികളായ എം.എസ്.എഫുകാര്‍ക്ക് സി.പി.എമുക്കാരുടെ ക്രൂര മര്‍ദ്ദനം. തിങ്കളാഴ്ച കാഞ്ഞങ്ങാട്ടെ പരിപാടിക്ക് ശേഷം മടിക്കൈ വഴി കാലിച്ചാനടുക്കത്തേക്ക് പോകുകയായിരുന്ന തായന്നൂര്‍ ഗവ.എച്ച്.എസ്.എസിലെ പ്ലസ് വണ്‍ വിദ്യാര്‍ഥിയും എം.എസ്.എഫ് കോടോം ബേളൂര്‍ പഞ്ചായത്ത് സെക്രട്ടറിയുമായ ഹബീബ്(16), ഇര്‍ഷാദ്(22) എന്നിവരെ മുണ്ടോട്ട് വെച്ച് ഒരു സംഘം സി.പി.എമുകാര്‍ തടഞ്ഞ് നിര്‍ത്തി മര്‍ദ്ദിക്കുകയായിരുന്നു.നിങ്ങള്‍ ലീഗ് പരിപാടിക്ക് പോയതല്ലെ എന്ന് ചോദിച്ചായിരുന്നു മര്‍ദ്ദനം, വിവപം അറിഞ്ഞ് ഹബീബിന്റെ ബന്ധുക്കള്‍ അറിഞ്ഞ് സ്ഥലത്തെത്തി ഇരുവരെയും രക്ഷിക്കുകയായിരുന്നു.അതിനിടെ ഇരുവരും സഞ്ചരിച്ച ബൈക്കും സി.പി.എമുകാര്‍ അഗ്‌നിക്കിയരയാക്കി.
ക്രൂര മര്‍ദ്ദനത്തില്‍ തലക്ക് ക്ഷതമേറ്റ ഹബീബിനെ വിദഗ്ധ ചികില്‍സയ്ക്കായി മംഗലാപുരം ആസ്പത്രയിലേക്ക് മാറ്റി.മല്‍സ്യ വില്‍പനക്കരനായ ഹമീദിന്റെ മകനാണ് ഹബീബ്.നിര്‍ധന കുടുംബാംഗമായ ഹബീബിന്റെ പിതാവ് ജോലിക്കുപയോഗിക്കുന്ന ബൈക്കാണ് ആക്രമികള്‍ തീ വെച്ച് നശിപ്പിച്ചത്. ഇരുവരെയും മുസ്ലിംലീഗ് മണ്ഡലം പ്രസിഡന്റ് ബഷീര്‍ വെള്ളിക്കോത്ത്, ജനറല്‍ സെക്രട്ടറി സി.കെ റഹ്മത്തുള്ള, എം.എസ്.എഫ് ജില്ലാ വൈസ് പ്രസിഡന്റ് സ്വാദിഖുല്‍ അമീന്‍,സെക്രട്ടറി ജാഫര്‍ കല്ലഞ്ചിറ, ഏ.സി.എ ലത്തീഫ്, ഹൈദര്‍ അടുക്കം എന്നിവര്‍ സന്ദര്‍ശിച്ചു
keywords : kerala-yathra-rally-bike-msf
Post a Comment
0 Comments