തളങ്കര:(www.evisionnews.in) ' സൗഹൃദം, സമത്വം, സമന്വയം ' എന്ന മുദ്രാവാക്യം ഉയര്‍ത്തി മുസ്‌ലിം ലീഗ് ദേശീയ ട്രഷറര്‍ പി.കെ. കുഞ്ഞാലിക്കുട്ടി നയിക്കുന്ന കേരള യാത്രയുടെ പ്രചരണാര്‍ത്ഥം ഫുട്‌ബോള്‍ ഫ്രീകിക്ക് ടൂര്‍ണ്ണമെന്റ് സംഘടിപ്പിക്കുവാന്‍ കാസര്‍കോട് മുനിസിപ്പല്‍ 27 ാം വാര്‍ഡ് തളങ്കര കണ്ടത്തില്‍ ശാഖ മുസ്‌ലിം യൂത്ത് ലീഗ് കമ്മിറ്റി യോഗം തീരുമാനിച്ചു. ആദ്യം റെജിസ്റ്റര്‍ ചെയ്യുന്ന 16 ടീമുകളെ ടൂര്‍ണ്ണമെന്റില്‍ പങ്കെടുപ്പിക്കും. മുനിസിപ്പല്‍ യൂത്ത് ലീഗ് ട്രഷറര്‍ ആയി തെരഞ്ഞെടുക്കപ്പെട്ട ശാഖ പ്രസിഡന്റ് നൗഫല്‍ തായലിനെ യോഗം അഭിനന്ദിച്ചു. നൗഫല്‍ തായല്‍, സിദ്ദീഖ് ചക്കര, ടി.എ. മുഹമ്മദ് കുഞ്ഞി, കമറുദ്ദീന്‍ എം, ഹാരിസ് ടി.ഐ, സുബൈര്‍ യു.എ, മഹ്മൂദ്, ഷബീര്‍ ടി.എ, അനസ് കണ്ടത്തില്‍ സംബന്ധിച്ചു. ടൂര്‍ണ്ണമെന്റില്‍ പങ്കെടുക്കാന്‍ ആഗ്രഹിക്കുന്നവര്‍ 9895500830 എന്ന നമ്പറില്‍ ബന്ധപ്പെടേണ്ടതാണ്.
Post a Comment
0 Comments