ഉളിയത്തടുക്കയില്‍ കന്നുകാലികളുമായി പോവുകയായിരുന്ന പിക്കപ്പ് വാന്‍ തടഞ്ഞു നിര്‍ത്തി അക്രമം: ഒരാള്‍ അറസ്റ്റില്‍

കാസര്‍കോട് (www.evisionnews.in): കന്നുകാലികളുമായി പോവുകയായിരുന്ന പിക്കപ്പ് വാന്‍ തടഞ്ഞ് മൂന്നു പേരെ വെച്ച് അക്രമിച്ചു. സംഭത്തില്‍ ഒരാളെ അറസ്്റ്റ് ചെയ്തു. മഞ്ചത്തടുക്കയിലെ അഷ്‌റഫ് (28), ചട്ടഞ്ചാലിലെ ഹമീദ് (50), മുഹമ്മദ് കുഞ്ഞി (32) എന്നിവര്‍ക്ക് നേരെയാണ് അക്രമമുണ്ടായത്്. സംഭവുമായി ബന്ധപ്പെട്ട് ഉദയ കുമാര്‍ എന്നയാളാണ് അറസ്റ്റിലായത്. ഞായറാഴ്ച വൈകിട്ട് ഉളിയത്തടുക്ക ഭഗവതി നഗറിലാണ് സംഭവം.
ഉളിയത്തടുക്കയില്‍ നിന്നും കന്നുകാലികളുമായി ആരിക്കാടി ഭാഗത്തേക്ക് പോവുകയായിരുന്ന ഇവര്‍ ഭഗവതി നഗറിലെത്തിയപ്പോള്‍ ഒരു സംഘം പിക്കപ്പ് തടഞ്ഞു നിര്‍ത്തുകയും മൂവരെയും വലിച്ചിഴച്ച് ക്രൂരമായി മര്‍ദ്ദിക്കുകയുമായിരുന്നു. വിവരമറിഞ്ഞെത്തിയ ടൗണ്‍ സി.ഐ പി.കെ സുധാകരന്റെ നേതൃത്വത്തിലുള്ള പൊലീസ് സംഘം അക്രമത്തിനിരയാവരില്‍ നിന്ന് മൊഴി രേഖപ്പെടുത്തി. കണ്ടാലറിയാവുന്ന നാല് പേര്‍ക്കെതിരെ കേസെടുത്തു.