കുഞ്ചാക്കോ ബോബന്‍-ആസിഫ് അലി എന്നിവര്‍ ആഭിനയിക്കുന്ന രാജമ്മ@ യാഹുവിലെ ഗാനങ്ങള്‍ പുറത്തിറങ്ങി. രഘു രാമ വര്‍മ്മ സംവിധാനം ചെയ്യുന്ന ചിത്രത്തില്‍ അഞ്ച് ഗാനങ്ങളാണുള്ളത്. സന്തോഷ് വര്‍മ്മ, അനില്‍ പനച്ചൂരാന്‍, അജിത് കുമാര്‍, റഫീക്ക് അഹമ്മദ്, വയലാര്‍ ശരത് ചന്ദ്ര വര്‍മ്മ എന്നിവരുടെ വരികള്‍ക്ക് ബിജിപാലാണ് സംഗീതം നല്‍കിയിരിക്കുന്നത്. നജിം അര്‍ഷാദ്, വിനീത് ശ്രീനിവാസന്‍, സംഗീത ശ്രീകാന്ത്, ഗണേഷ് സുന്ദരം, രൂപ രേവതി,അല്‍ഫോന്‍സ് ജോസഫ്, ബിജിബാല്‍ എന്നിവരാണ് ഗാനങ്ങള്‍ ആലപിച്ചിരിക്കുന്നത്. സഹോദരങ്ങളായ മൈക്കിള്‍ രാജമ്മ (കുഞ്ചാക്കോ ബോബന്‍) എന്ന രാജമ്മയേയും വിഷ്ണു യോഹന്നാന്‍ (ആസിഫ് അലി) എന്ന യാഹൂവിന്റെയും കഥയാണ് ‘രാജമ്മ @ യാഹൂ’ പറയുന്നത്. നിക്കി ഗല്‍റാണിയും അനുശ്രീയുമാണ് നായികമാര്‍. ലാല്‍ ജോസ് ഫിലിംസാണ് ചിത്രം നിര്‍മിച്ചിരിക്കുന്നത്. ലാല്‍ ജോസിന്റെ സഹ സംവിധായകനായിരുന്ന രഘു രാമ വര്‍മ്മ ആദ്യമായി സംവിധാനം ചെയ്യുന്നുവെന്ന പ്രത്യേകതയും രാജമ്മ@ യാഹുവിനുണ്ട്.
Post a Comment
0 Comments