കാസര്‍കോട് നഗരസഭയിലെ പള്ളം വാര്‍ഡംഗം ഹാരിസ് ബന്നു സത്യപ്രതിജ്ഞ ചെയ്യുന്നു
കാസര്‍കോട്: (www.evisionnews.in) നഗരസഭാ തെരഞ്ഞെടുപ്പില്‍ പള്ളം വാര്‍ഡില്‍ ഭൂരിപക്ഷം വെറും ഒരോട്ടിനാണെങ്കിലും ചരിത്രവിജയം നേടിയ ഹാരിസ് ബന്നു വ്യാഴാഴ്ച സത്യപ്രതിജ്ഞ ചെയ്ത് കൗണ്‍സിലറായി ചുമതലയേല്‍ക്കുംമുമ്പ് ജനറല്‍ ആശുപത്രിയില്‍ എത്തി രക്തം ദാനം ചെയ്ത് കാസര്‍കോട്ടെ പൊതുസമൂഹത്തിന് മാതൃകയായി.
വിജയിച്ച കൗണ്‍സിലര്‍മാര്‍ വാര്‍ഡിലെ അനുയായികളോടൊപ്പം പുലിക്കുന്നിലെ ടൗണ്‍ഹാളിലേക്ക് നീങ്ങുമ്പോള്‍ ഹാരിസ് ബന്നുവും വാര്‍ഡിലെ സഹപ്രവര്‍ത്തകരും കാസര്‍കോടിന്റെ അതുരാലയമായ ജനറല്‍ ആശുപത്രിയിലെ ബ്ലഡ് ബാങ്കിലെത്തുകയായിരുന്നു. ബന്നുവിനൊപ്പം അമ്പതോളം പ്രവര്‍ത്തകരും രക്തം ദാനംചെയ്തു. മുന്‍ നഗരസഭാംഗം കൊപ്പല്‍ അബ്ദുല്ല, അന്‍വര്‍, റിയാസ്, ബഷീര്‍ തുടങ്ങിയവരും ബന്നുവിനൊപ്പമുണ്ടായിരുന്നു.
keywords: councillor-haris-bannu-blood-donation
Post a Comment
0 Comments