ന്യൂഡല്‍ഹി:(www.evisionnews.in) സുഷമാ സ്വരാജിന്റെ കുടുംബം ലളിത് മോദിയില്‍ നിന്ന് പണം വാങ്ങിയെന്ന് കോണ്‍ഗ്രസ് ഉപാധ്യക്ഷന്‍ രാഹുല്‍ ഗാന്ധി ആരോപിച്ചു. ജയിലില്‍ പോകാതെ രക്ഷപ്പെടുത്താന്‍ മോദിയില്‍ നിന്ന് എത്ര പണം വാങ്ങിയെന്ന് സുഷമ ഈ രാജ്യത്തോട് വെളിപ്പെടുത്തണം. രാഹുല്‍ ആവശ്യപ്പെട്ടു.കൊള്ളയോ മോഷണോ നടക്കുമ്പോള്‍ സാമ്പത്തിക ഇടപാടുകള്‍ നടക്കും. അത്തരത്തിലുള്ള സാമ്പത്തിക ഇടപാട് ഇതില്‍ നടന്നിട്ടുണ്ട്.
സുഷമ തന്ത്രപൂര്‍വ്വമാണ് മോദിയെ സഹായിച്ചത്. മന്ത്രിസഭയിലെ ആര്‍ക്കും ഇതറിയില്ല. അവര്‍ മികച്ച പ്രസംഗമാണ് പാര്‍ലമെന്റില്‍ നടത്തിയത്. അത് വെറും പൊള്ളയായിരുന്നു. രാഹുല്‍ ഗാന്ധി പരിഹസിച്ചു.
തന്റെ സ്ഥാനത്ത് സോണിയാ ഗാന്ധിയായിരുന്നുവെങ്കില്‍ മോദിയുടെ ഭാര്യയെ സഹായിക്കുമായിരുന്നില്ലേ എന്നാണ് സുഷമാ സ്വരാജ് ചോദിച്ചത്. എന്നാല്‍ ഞാന്‍ പറയുന്നു സഹായിക്കില്ല എന്ന്. രാഹുല്‍ ഗാന്ധി തുടര്‍ന്നു. കോണ്‍ഹ്ര്‌സ് എം.പിമാരെ സസ്‌പെന്‍ഡ് ചെയ്തതില്‍ പ്രതിഷേധിച്ച് പാര്‍ലമെന്റിന് പുറത്ത് നടത്തിയ ധര്‍ണ്ണയ്ക്ക് ശേഷം സംസാരിക്കുകയായിരുന്നു അദ്ദേഹം.
keywords: newdelhi-sushama-modi-rahul
Post a Comment
0 Comments