പുഴയില്‍ ഒഴുക്കില്‍പ്പെട്ട ബദിയടുക്ക സ്വദേശിയുടെ മൃതദേഹം കണ്ടെത്തി

കുമ്പള (www.evisionnews.in): മുഗു പുഴയില്‍ ഒഴുക്കില്‍പ്പെട്ട ബദിയടുക്ക സ്വദേശിയുടെ മൃതദേഹം കണ്ടെത്തി. ബദിയഡുക്ക അമ്മിത്തോടിലെ കൊറഗപ്പ മൂല്യ (37)യുടെ മൃതദേഹമാണ് വെള്ളിയാഴ്ച രാവിലെ സംഭവസ്ഥലത്ത് നിന്ന് ആറു കി.മി അകലെ ഇച്ചിലങ്കോട് നിന്നാണ് കണ്ടെത്തിയത്.

വ്യാഴാഴ്ച വൈകിട്ട് ആറ് മണിയോടെയാണ് അപകടം. റേഷന്‍ വാങ്ങാന്‍ പോയതായിരുന്നു കൊറഗപ്പ മൂല്യ. പുഴയുടെ തീരത്ത് കൂടി നടന്നുപോകുമ്പോള്‍ കാല്‍ വഴുതി വീണതാണെന്ന് സംശയിക്കുന്നു. കുമ്പള പോലീസ് ഇന്‍ക്വസ്റ്റ് നടത്തി.

Keywords: Kasaragod-news-missing-in-mugu-river-fond-deadbody-at-ichilangaod-police-inquested