മഞ്ചേശ്വരം: (www.evisionnews.in) വീട്ടിനകത്ത് കയറിയ മോഷ്ടാവ് അലമാര കുത്തിത്തുറന്ന് സ്വര്‍ണമാല മോഷ്ടിച്ച് ഗൃഹനാഥനെ അടിച്ച് വീഴ്ത്തി രക്ഷപ്പെട്ടു.തുമിനാട് കുക്കാജെ പള്ളിക്ക് സമീപത്തെ മോഹനന്റെ വീട്ടിലാണ് കള്ളന്‍ കയറിയത്. ഞായറാഴ്ച്ച രാവിലെയായിരുന്നു സംഭവം.മോഹനന്‍ സ്വീകരണ മുറിയിലും ഭാര്യ ഗിരിജയും മക്കളും മറ്റൊരു മുറിയിലായിരുന്നു ഉറങ്ങാന്‍ കിടന്നത്.പുലര്‍ച്ചെ നാല് മണിയോടെ അസ്വാഭാവികമായി വീടിനകത്ത് നിന്ന് ശബ്ദം കേട്ട് മോഹനന്‍ ഉണര്‍ന്നപ്പോള്‍ കണ്ടത് തുറന്നിട്ട അലമാരയ്ക്ക് മുമ്പില്‍ ഒരാള്‍ നില്‍ക്കുന്നതായിരുന്നു.മോഹനനെ കണ്ടപാടെ മോഷ്ടാവ് തുറന്നിട്ട അടുക്കള വാതില്‍ വഴി ഓടാന്‍ ശ്രമിച്ചത് ചെറുത്തപ്പോഴാണ് അടിയേറ്റത്.ഒന്നര പവന്റെ മാലയുമായി മോഷ്ടാവ് രക്ഷപ്പെടുകയും ചെയ്തു.മഞ്ചേശ്വരം പോലീസ് കേസെടുത്തു.
Keywords: manjeshwaram-thief
Post a Comment
0 Comments