മൊസൂളി (www.evisionnews.in): തീവ്രവാദികളുമായി ലൈംഗിക ബന്ധം വിസമ്മതിച്ചതിന് 19 സ്ത്രീകളെ ഇസിസ് കൊന്നൊടുക്കി. കുര്‍ദിഷ് അധികൃതരാണ് ഇക്കാര്യം അറിയിച്ചിരിക്കുന്നത്. ഇസിസിന്റെ ശക്തികേന്ദ്രമായ ഇറാഖിലെ മൊസൂളില്‍ നിന്ന് തട്ടികൊണ്ടുവന്ന സ്ത്രീകളെയാണ് ഇസിസ് വധിച്ചിരിക്കുന്നത്.
തീവ്രവാദികള്‍ സ്ത്രീകളെ പെട്രോള്‍ ബാരലുകള്‍ക്ക് സമാനമായാണ് കാണുന്നതെന്നും തട്ടികൊണ്ടുവരുന്ന ക്രിസ്റ്റ്യന്‍ സ്ത്രീകളെയും യസിദി സ്ത്രീകളെയും കുട്ടികളെയും വില്‍ക്കുകയാണ് ചെയ്യുന്നതെന്നും ഇതേക്കുറിച്ച് അന്വേഷണം നടത്തിയ യു.എന്‍ അന്വേഷണ ഉദ്യോഗസ്ഥ പറഞ്ഞിരുന്നു. ഒരു വയസു മുതല്‍ ഒന്‍പത് വയസുവരെ പ്രായമുള്ള പെണ്‍കുട്ടികളെയാണ് ഇവര്‍ കൂടുതല്‍ പണത്തിന് വില്‍ക്കുന്നതെന്നും അവര്‍ വ്യക്തമാക്കിയിരുന്നു.
2014 ല്‍ ആണ് കൊല്ലപ്പെട്ട സ്ത്രീകളെ ഇസിസ് തടവിലാക്കിയിരുന്നതെന്നാണ് റിപ്പോര്‍ട്ട്. യഹൂദ സമുദായത്തിലും ക്രിസ്ത്യന്‍ സമുദായത്തിലുംപെട്ട യുവതികളെയാണ് ഇസിസ് കൊലപ്പെടുത്തിയതെന്ന് അധികൃതര്‍ അറിയിച്ചു.
Keywords: International-news-iraq-isis-killed-19-wemen-in-mosooli
Post a Comment
0 Comments