കാസര്‍കോട് (www.eviisonnews.in): കാണാതായ എല്‍ബിഎസ് എഞ്ചനീയറിംഗ് വിദ്യാര്‍ത്ഥി ചെന്നൈയിലെ സുഹൃത്തിന്റെ വീട്ടിലുണ്ടെന്ന് ടൗണ്‍ പോലീസില്‍ വിവരം ലഭിച്ചു. കുഡ്‌ലു രാംദാസ് നഗറില്‍ താമസിക്കുന്ന സിപിസിആര്‍ഐയിലെ ജീവനക്കാരന്‍ രാജേന്ദ്രന്‍ നായരുടെ മകന്‍ ആര്‍ കൃഷ്ണരാജിനെ (21)യാണ് വ്യാഴാഴ്ച മുതല്‍ കാണാതയത്. കോളജിലേക്ക് പോയതായിരുന്നു. ചെന്നൈ ചിന്താമണി ബസ്‌റ്റോപ്പിലെ എടിഎം കൗണ്ടറില്‍ നിന്ന് പണം പിന്‍വലിച്ചപ്പോഴാണ് കൃഷ്ണരാജ് ചെന്നൈയിലുണ്ടെന്ന് സ്ഥിരീകരിച്ചത്. ഇതിന് സ്‌റ്റേറ്റ് ബാങ്ക് ഓഫ് ഇന്ത്യയുടെ കാസര്‍കോട് ശാഖയുടെ സഹായവും തേടിയിരുന്നു. വീടുവിട്ടുപോകുമ്പോള്‍ സിം കാര്‍ഡ് ഊരിയെടുത്തിരുന്നു. കൃഷ്ണരാജിനെ കാസര്‍കോട്ടെത്തിക്കാന്‍ ടൗണ്‍പോലീസ് ചെന്നൈയിലേക്ക് തിരിച്ചിട്ടുണ്ട്.
Keywords; Kasaragod-news-missing-news-college-atm-news-police
Post a Comment
0 Comments