കാഞ്ഞങ്ങാട് (www.evisionnews.in): പള്ളിക്കര പാക്കത്തെ വൃദ്ധനെ പുതിയ കോട്ടയിലെ കടവരാന്തയില്‍ മരിച്ച നിലയില്‍ കണ്ടെത്തി. പാക്കം ചെറുക്കാപാറയിലെ ഗംഗാധരന്‍നായര്‍ (62) ആണ് മരിച്ചത്. കാസര്‍കോട്ട് പാസ്‌പോര്‍ട്ട് സര്‍വീസ് കേന്ദ്രത്തില്‍ ജോലി ചെയ്തുവരികയായിരുന്നു. രണ്ട് ദിവസമായി കാഞ്ഞങ്ങാട്ടെ ലോഡ്ജിലാണ് താമസം. ശനിയാഴ്ച രാവിലെയാണ് പുതിയ കോട്ടയിലെ ഒരു കടവരാന്തയില്‍ ഗംഗാധരന്‍ നായര്‍ മരിച്ചുകിടക്കുന്നത് വ്യാപാരികള്‍ കണ്ടത്. പോക്കറ്റിലുണ്ടായിരുന്ന മൊബൈല്‍ ഫോണ്‍ പരിശോധിച്ചപ്പോഴാണ് മരിച്ചത് ഗംഗാധരന്‍നായരാണെന്ന് തിരിച്ചറിഞ്ഞത്. മൃതദേഹം ഹൊസ്ദുര്‍ഗ് പോലീസ് ഇന്‍ക്വസ്റ്റ് നടത്തിയ ശേഷം കാഞ്ഞങ്ങാട്ടെ ജില്ലാ ആസ്പത്രി മോര്‍ച്ചറിയിലേക്ക് മാറ്റി.
Keywords: Kasaragod-news-knd-news-hospital-died-old-man
Post a Comment
0 Comments