അജ്ഞാത സംഘത്തിന്റെ അക്രമണം: ബണ്ട്വാളില്‍ യുവാവ് വെട്ടേറ്റ് മരിച്ചു

മംഗളൂരു: (www.evisionnews.in)ഓട്ടോറിക്ഷ തട്ടിയെടുത്ത് അതില്‍ സഞ്ചരിക്കുകയായിരുന്ന രണ്ടുപേരെ അജ്ഞാത സംഘം വെട്ടിവീഴ്ത്തി. വെട്ടേറ്റ ഒരു യുവാവ് ആശുപത്രിയില്‍ വെച്ച് മരിച്ചു. മറ്റൊരാളുടെ നില അതീവ ഗുരുതരമായി തുടരുന്നു. ഘാതകസംഘത്തില്‍ നാലുപേരുണ്ടായിരുന്നുവെന്നാണ് പോലീസിന് കിട്ടിയ വിവരം. ബണ്ട്വാളിലെ മേല്‍ക്കാര്‍ ടൗണില്‍് വെള്ളിയാഴ്ച രാത്രിയാണ് സംഭവം. മേല്‍ക്കാറിലെ നസീര്‍ (27) ആണ് മരിച്ചത്. മുഹമ്മദ് മുസ്തഫയാണ് ഗുരുതരാവസ്ഥയിലുള്ളത്. 

മുസ്തഫയുടെ ഓട്ടോറിക്ഷയില്‍ സജിപ്പയിലേക്ക് പോകുകയായിരുന്നു നസീര്‍. വഴിമധ്യേ രണ്ട് മോട്ടോര്‍ ബൈക്കുകളിലെത്തിയ നാലുപേര്‍ കൂടി ഓട്ടോതടഞ്ഞ് അതില്‍ കയറി കുക്കാജെ എന്ന സ്ഥലത്തേക്ക് വഴിതിരിച്ച് വിട്ടശേഷം വിജനമായ സ്ഥലത്ത് വെച്ച് ആദ്യം മുസ്ഥഫയെ വെട്ടുകയായിരുന്നു. രംഗം കണ്ട് നസീര്‍ നിലവിളിച്ചപ്പോള് മുസ്ഫഫയെ വെട്ടിയ അതേ മാരകായുധം കൊണ്ട് നസീറിനേയും വെട്ടിവീഴ്ത്തുകയായിരുന്നു. പരിസരവാസികള്‍ ചേര്‍ന്നാണ് മൃതപ്രായരായിക്കിടന്ന ഇരുവരെയും ആശുപത്രിയിലെത്തിച്ചത്. മരിച്ച നസീറിന് ഗര്‍ഭിണിയായ ഭാര്യയും ഒരു മകളുമുണ്ട്. 

keywords: autorikshaw-bantwal-killed