നോട്ടിങ്ഹാം:(www.evisionnews.in) ആഷസ് പരമ്പരയിലെ ഇഗ്ലണ്ടുമായുള്ള നാലാമത് ടെസ്റ്റ് മത്സരത്തില്‍ ആദ്യ ഇന്നിങ്‌സില്‍ 60 റണ്‍സിന് ഓസ്‌ട്രേലിയ പുറത്ത്. ഓസീസിന്റെ ഏഴാമത്തെ കുറഞ്ഞ സ്‌കോറാണിത്. എട്ട് താരങ്ങളാണ് രണ്ടക്കം കടക്കാതെ പുറത്തായത്. ഇംഗ്ലണ്ടിനു വേണ്ടി സ്റ്റ്യുവര്‍ട്ട് ബ്രോഡ് എട്ടുവിക്കറ്റെടുത്തു.
ടോസ് നേടിയ ഇംഗ്ലണ്ട് ഫീല്‍ഡ് ചെയ്യാന്‍ തീരുമാനിക്കുകയായിരുന്നു.
ആദ്യത്തെ അഞ്ച് ഓവറില്‍ ഓസ്‌ട്രേലിയയുടെ അഞ്ച് വിക്കറ്റുകള്‍ നഷ്ടമായി. ഓപ്പണര്‍മാരായ ക്രിസ് റോജേഴ്‌സ്, ഡേവിഡ് വാര്‍ണര്‍ എന്നിവരും ഷോണ്‍ മാര്‍ഷും റണ്‍സൊന്നുമെടുക്കാതെയാണ് പുറത്തായത്. സ്റ്റീഫന്‍ സ്മിത്ത് ആറു റണ്‍സെടുത്തപ്പോള്‍ മൈക്കേല്‍ ക്ലാര്‍ക്ക് പത്ത് റണ്‍സെടുത്തു. 13 റണ്‍സെടുത്ത ജോണ്‍സണാണ് ടോപ്പ് സ്‌കോറര്‍.
ടെസ്റ്റില്‍ വേഗത്തില്‍ അഞ്ച് വിക്കറ്റെടുത്തുവെന്ന റെക്കോര്‍ഡിട്ട ബ്രോഡ് 300 വിക്കറ്റെടുത്ത ആറാമത്തെ ഇംഗ്ലണ്ട് താരമായി.
keywords : kasragod-ashesh-asutralia-run-60-out
Post a Comment
0 Comments