അണങ്കൂര്‍ (www.evisionnews.in): ഷോറുമിലേക്ക് കാറുകളുമായി വന്ന കണ്ടെയ്‌നര്‍ ലോറി ദേശീയപാതയില്‍ കുടുങ്ങിയതിനെ തുടര്‍ന്ന് മണിക്കൂറുകളോളം ഗതാഗതം സ്തംഭിച്ചു. ശനിയാഴ്ച രാവിലെ അണങ്കൂരിലാണ് സംഭവം.
പരിസരത്തെ ഒരു കാര്‍ ഷോറൂമിലേക്ക് കാറുകളുമായി വന്ന കണ്ടെയ്‌നര്‍ ലോറിയാണ് ദേശീയപാതയില്‍ കുടുങ്ങിയത്. റോഡില്‍ നിന്ന് പിറകിലോട്ട് എടുക്കുന്നതിനിടയില്‍ വശങ്ങളിലുള്ള താഴ്ചയില്‍ കുടുങ്ങുകയായിരുന്നു. നീളമുള്ള ലോറിയായതിനാല്‍ പിറക് ഭാഗം മുഴുവനും റോഡില്‍ തടസമായി നിന്നു. പിന്നീട് കാസര്‍കോട് ട്രാഫിക് പോലീസെത്തി ഗതാഗതം നിയന്ത്രിക്കുകയായിരുന്നു.
ഷോറൂമിലേക്കെത്തുന്ന കണ്ടെയ്‌നര്‍ ലോറികള്‍ റോഡില്‍ കുടുങ്ങി ഗതാഗതം തടസപ്പെടുന്നത് പതിവാണ്. ദേശീയപാതയിലടക്കം തിരക്കുള്ള സമയങ്ങളിലാണ് ഇത്തരം കണ്ടെയ്‌നല്‍ ലോറികളെത്തുന്നത്. ചെര്‍ക്കള മുതല്‍ നുള്ളിപ്പാടി വരെയുള്ള റോഡരികിലെ ഷോറൂമിലേക്കെത്തുന്ന ലോറികളാണ് ദേശീയ പാതയില്‍ കുടുങ്ങി ഗതാഗതം സ്തംഭനത്തിനിടയാക്കുന്നത്.
Keywords: Kasaragod-news-anagoor-condainer-lorry-kudungi
Post a Comment
0 Comments