ചെമ്മനാട്: (www.evisionnews.in) മൃഗ ഡോക്ടര്‍മാര്‍ സഞ്ചരിച്ച ഉല്ലാസ ബോട്ട് ആലപ്പുഴ കായലില്‍ മുങ്ങി രണ്ട് പേര്‍ മരിച്ചു. ശനിയാഴ്ച്ച ഉച്ചയ്ക്കാണ് സംഭവം.മീനപള്ളി വട്ടക്കായല്‍ ഭാഗത്താണ് ബോട്ട് മുങ്ങിയത്.മുങ്ങി മരിച്ചവരില്‍ ഒരാളായ ഡോ: ശിഹാബ് പരവനടുക്കത്തെ മൃഗാശുപത്രിയിലെ ഡോക്ടറാണ്.ചട്ടഞ്ചാല്‍ മഹാലക്ഷ്മിപുരത്താണ് താമസം. സുഹൃത്തും കൊല്ലം സ്വദേശിയുമായ ഡോ: അരവിന്ദാണ് മരിച്ച മറ്റൊരാള്‍.ശിഹാബും കൊല്ലം സ്വദേശിയാണ്. ശനിയാഴ്ച്ച വൈകിട്ടാണ് അപകടമുണ്ടായത്.
രണ്ട് വര്‍ഷത്തോളമായി ശിഹാബ് പരവനടുക്കത്തെ മൃഗഡോക്ടറായി സേവനമനുഷ്ഠിച്ച് വരികയാണ്.ഇന്ത്യന്‍ വെറ്ററിനറി ഇന്‍സ്റ്റിസ്റ്റ്യൂട്ടില്‍ നിന്ന് ഡോക്ടറേറ്റ് എടുത്ത സുഹൃത്ത് അരവിന്ദ് അടുത്താഴ്ച അമേരിക്കക്ക് പോകാനിരിക്കുകയായിരുന്നു. യാത്രക്ക് മുമ്പ് സഹപാഠികളായ ഡോക്ടര്‍മാരെ വിളിച്ച് ഉല്ലാസയാത്ര പോയതായിരുന്നു.
ശനിയാഴ്ച ഉച്ചക്ക് 12 മണിക്ക് ആലപ്പുഴയില്‍ നിന്ന് ഡോക്ടര്‍മാരുടെ സംഘം ഹൗസ് ബോട്ടില്‍ ഉല്ലാസയാത്ര ആരംഭിച്ചത്. ആറുപേരുണ്ടായിരുന്നു. വൈകിട്ട് അഞ്ച് മണിക്ക് മീനപ്പള്ളി വട്ടക്കായലിലെ തീരത്ത് നങ്കൂരമിട്ട ശേഷം കായലില്‍ കുളിക്കാനിറങ്ങുകയായിരുന്നു ആറുപേരും. ആഴമുള്ള ഈ ഭാഗത്താണ് ശിഹാബും അരവിന്ദും മുങ്ങിയത്. ഡോക്ടര്‍മാരുടെ നിലവിളി കേട്ടെത്തിയ നാട്ടുകാരും ഫയര്‍ഫോഴ്‌സും ചേര്‍ന്നാണ് നാട്ടുകാരാണ് മൃതദേഹങ്ങള്‍ പുറത്തെടുത്തത്.
Keywords: chemmanad-alappuzha-dr-shihab-aravind-dead
Post a Comment
0 Comments