മഞ്ചേശ്വരം (www.evisionnews.in): മാരുതി കാറിടിച്ച് സ്‌കൂട്ടര്‍ യാത്രികര്‍ക്ക് പരിക്കേറ്റു. ഒരാളുടെ നില ഗുരുതരമാണ്. ഇരുവരേയും മംഗലാപുരത്തെ ആശുപത്രിയില്‍ പ്രവേശിപ്പിച്ചു. വ്യാഴാഴ്ച ഉച്ചയ്ക്ക് 12.30മണിയോടെ ഉദ്യാവരം ദേശീയ പാതയില്‍ ഇര്‍ഷാദ് പള്ളിക്ക് മുന്നിലാണ് അപകടം.
സ്‌കൂട്ടറില്‍ മരുമകന്‍ നവാബ് ഇസ്മയിലിനൊപ്പം യാത്രചെയ്യുകയായിരുന്ന ബഡാജെ ഗോപി വളപ്പിലെ അബ്ദുല്ല ഹാജിക്കാണ് ഗുരുതരമായി പരിക്കേറ്റത്. മച്ചമ്പാടി ജമാഅത്ത് മുന്‍ പ്രസിഡണ്ടായിരുന്നു.
തലപ്പാടിയില്‍ നിന്ന് മഞ്ചേശ്വരം ഭാഗത്തേക്ക് വരികയായിരുന്ന കാറിന് പിന്നില്‍ ഒരു ചരക്കു ലോറിയിടിക്കുകയും ഇടിയുടെ ആഘാതത്തില്‍ കാര്‍ നേരെ മുന്നിലോടിക്കൊണ്ടിരുന്ന സ്‌കൂട്ടറില്‍ ചെന്നിടിക്കുകയുമായിരുന്നു. കെ.എല്‍ 14 എന്‍ 7310 കാറോടിച്ചിരുന്നത് കറോഡ സ്വദേശി സിറാജ് ആയിരുന്നു. മഞ്ചേശ്വരം പോലീസ് കേസെടുത്തു.
Keywords: Kasaragod-news-manjesher-karoda-car
Post a Comment
0 Comments