ചെറുവത്തൂര്‍ (www.evisionnews.in): കാര്യങ്കോട് പാലത്തിന് സമീപം കെ.എസ്.ആര്‍.ടി.സി. ബസ് റോഡരികിലെ കുഴിയിലേക്ക് മറിഞ്ഞ് നിരവധി പേര്‍ക്ക് പരിക്കേറ്റു. കാഞ്ഞങ്ങാട് നിന്ന് കണ്ണൂരിലേക്ക് പോവുകയായിരുന്ന കെ.എല്‍ 15, 6787 നമ്പര്‍ കെ.എസ്.ആര്‍.ടി.സി. ബസാണ് അപകടത്തില്‍പെട്ടത്. വെള്ളിയാഴ്ച രാവിലെ 7.30 മണിയോടെയാണ് അപകടം.
ചെറുവത്തൂര്‍ അരീക്കാടിയിലെ വിനീഷ്, രത്‌നാകരന്‍, ആര്യ, നൗഷാദ്, ബിബീഷ്, വിദ്യ, ഷാഹുല്‍ ഹമീദ്, സതി, ഭാസ്്ക്കരന്‍, സതീഷ്, അനീഷ്, പത്മകുമാര്‍, രാമചന്ദ്രന്‍, നിധീഷ്, നൗഷാദ് തുടങ്ങി പതിനഞ്ചോളം പേരെ ചെറുവത്തൂര്‍ കെ.എ.എച്ച് ആശുപത്രിയിലും മറ്റുള്ളവരെ നീലേശ്വരം തേജസ്വിനി ആശുപത്രിയിലും പ്രവേശിപ്പിച്ചു.
ഓടിയെത്തിയ നാട്ടുകാരും തൃക്കരിപ്പൂരില്‍ നിന്നെത്തിയ ഫയര്‍ഫോഴ്‌സും ചന്തേര പോലീസുമാണ് രക്ഷാപ്രവര്‍ത്തനം നടത്തിയത്. അപകടത്തെതുടര്‍ന്ന് ദേശീയപാതയില്‍ ഏറെനേരം ഗതാഗതം സ്തംഭിച്ചു.
Keywords; Kasaragod-news-cheruvathur-news-accident-police-hospital-police-kstrc
Post a Comment
0 Comments