മംഗലാപുരത്ത് അജ്ഞാതന്റെ മൃതദേഹം; ചെര്‍ക്കള സ്വദേശിയാണെന്ന് സംശയം

മംഗലാപുരം: (www.evisionnews.in)  അജ്ഞാതന്റെ മൃതദേഹം സെന്‍ട്രല്‍ മാര്‍ക്കറ്റിലെ കടവരാന്തയില്‍ കണ്ടെത്തി. ജൂലൈ 18ന് രാവിലെയാണ് മൃതദേഹം കണ്ടത്.ഏകദേശം 60-65 വയസ്സ് പ്രായം തോന്നിക്കുന്ന വൃദ്ധന്റെ ജഢം ഗവ.വെന്‍ലോക്ക് ആശുപത്രി മോര്‍ച്ചറിയില്‍ സൂക്ഷിച്ചിട്ടുണ്ട്.അഞ്ചരയടി പൊക്കവും ഇരുണ്ടനിറവുമാണ്. അടിവയറ്റില്‍ കറുത്ത മറുകുണ്ട്.മെറൂണ്‍ നിറത്തിലുള്ള അരക്കൈയ്യന്‍ ഷര്‍ട്ടും പച്ചയും മഞ്ഞയും കലര്‍ന്ന ലുങ്കിയുമാണ് വേഷം.താന്‍ ചെര്‍ക്കള സ്വദേശിയാണെന്നും മകന്‍ എഞ്ചിനീയറാണെന്നും വൃദ്ധന്‍ ചിലരോട് പറഞ്ഞിരുന്നു.മരണത്തിന് മുമ്പ് കുറച്ച് ദിവസങ്ങളിലായി സെന്‍ട്രല്‍ മാര്‍ക്കറ്റിലും പരിസരങ്ങളിലും ഇയാള്‍ കറങ്ങി നടക്കുന്നത് കണ്ടവരുണ്ട്.കടവരാന്തയില്‍ നിന്ന് മൃതദേഹം മോര്‍ച്ചറിയിലെത്തിച്ച പോലീസ് വ്യാഴാഴ്ച്ച അജ്ഞാതന്റെ മരണവിവരം കാസര്‍കോട് വിദ്യാനഗര്‍ പോലീസിനെ അറിയിക്കുകയായിരുന്നു.

ബന്ധപ്പെടേണ്ട ഫോണ്‍: പോലീസ് ഇന്‍സ്‌പെക്ടര്‍ (മംഗലാപുരം നോര്‍ത്ത് പോലീസ് സ്‌റ്റേഷന്‍) 0824 2220516,മൊബൈല്‍: 9480 805 338.

പോലീസ് സബ് ഇന്‍സ്‌പെക്ടര്‍: മംഗലാപുരം നോര്‍ത്ത് പോലീസ് സ്‌റ്റേഷന്‍ 0824 2220516,മൊബൈല്‍:9480 805 345

Keywords: managalore-unregnised-dead-body