മേല്‍പറമ്പ്: (www.evisionnews.in) ദേളിയിലെ സഅദിയ്യ ശരീഅത്ത് കോളജ് വിദ്യാര്‍ത്ഥി കുഴഞ്ഞ് വീണു മരിച്ചു. ജാമിഅ സഅദിയ്യ അറബിയ്യ ശരീഅത്ത് കോളജിലെ അവസാന വര്‍ഷ വിദ്യാര്‍ത്ഥിയും തളിപ്പറമ്പ ആലക്കാട് പാറപ്പുറത്തെ പരേതരായ അബ്ദുല്ല-സൈനബ ദമ്പതികളുടെ മകന്‍ അബൂബക്ക(25)റാണ് മരിച്ചത്.
ളുഹര്‍ നിസ്‌കാരത്തിന് അംഗ ശുദ്ധിവരുത്തി പള്ളിയില്‍ കയറിയ ഉടനെ നെഞ്ചു വേദന അനുഭവപ്പെടുകയും കുഴഞ്ഞുവീഴുകയുമായിരുന്നു. ഉടന്‍ തൊട്ടടുത്ത സഅദിയ്യ ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല. സഅദിയ്യ യതീംഖാനയില്‍ പത്താം ക്ലാസ് പൂര്‍ത്തിയാക്കി ശരീഅത്ത് കോളേജില്‍ പഠനം തുടരുകയായിരുന്നു.
സഹോദരങ്ങള്‍: സാലിം, ബുഷ്‌റ, കുഞ്ഞാമിന. സഅദിയ്യയിലെ മയ്യിത്ത് നിസ്‌കാരത്തിന് ശേഷം മൂന്നു മണിയോടെ മൃതദേഹം ആലക്കാട്ടേക്ക് കൊണ്ട് പോകും.
മരണത്തില്‍ ജാമിഅ സഅദിയ്യ പ്രസി. സയ്യിദ് കെ.എസ്. ആറ്റക്കോയ തങ്ങള്‍ കുമ്പോല്‍, ജന. സെക്രട്ടറി സയ്യിദ് ഫസല്‍ കോയമ്മ തങ്ങള്‍ കുറ, ശരീഅത്ത് കോളജ് പ്രിന്‍സിപ്പാള്‍ എ.കെ അബ്ദുര്‍ റഹ്മാന്‍ മുസ്ലിയാര്‍, വര്‍ക്കിംഗ് സെക്രട്ടറി എ.പി അബ്ദുല്ല മുസ്ലിയാര്‍ മാണിക്കോത്ത് തുടങ്ങിയവര്‍ അബൂബക്കറിന്റെ നിര്യാണത്തില്‍ അനുശോചിച്ചു.
Keywords: melparambu-sa-adiya-student-dead
Post a Comment
0 Comments