ബേക്കല്‍ (www.evisionnews.in): കിടപ്പുമുറിയില്‍ ഉറങ്ങാന്‍ കിടന്ന വ്യാപാരിയെ അടുക്കളയില്‍ തൂങ്ങിമരിച്ച നിലയില്‍ കണ്ടെത്തി. പള്ളിക്കര പൂച്ചക്കാട്ടെ ഹസൈനാറി (52)നെയാണ് വ്യാഴാഴ്ച പുലര്‍ച്ചെ അടുക്കളയിലെ ഫാനില്‍ തൂങ്ങിമരിച്ച നിലയില്‍ കണ്ടെത്തിയത്.
ബുധനാഴ്ച രാത്രി ഭക്ഷണം കഴിച്ച ശേഷം ഹസൈനാര്‍ കിടപ്പുമുറിയില്‍ കിടന്നതായിരുന്നു. പുലര്‍ച്ചെ ഭാര്യ അടുക്കളയിലേക്ക് വന്നപ്പോഴാണ് ഹസൈനാറിനെ തൂങ്ങിയ നിലയില്‍ കണ്ടെത്തിയത്. ഉടന്‍ തന്നെ കാഞ്ഞങ്ങാട്ടെ മന്‍സൂര്‍ ആശുപത്രിയില്‍ പ്രവേശിപ്പിച്ചെങ്കിലും ഡോക്ടര്‍മാര്‍ മരണം സ്ഥിരീകരിക്കുകയായിരുന്നു. ബേക്കല്‍ പോലീസ് ഇന്‍ക്വസ്റ്റ് നടത്തിയ മൃതദേഹം പോസ്റ്റുമോര്‍ട്ടത്തിനായി ജില്ലാ ആശുപത്രിയിലേക്ക് മാറ്റിയിട്ടുണ്ട്.
Keywords: Kasaragod-news-bekal-suicide-news-vyaapaari-thursday-hospital-kidappumuri
Post a Comment
0 Comments