ചെര്‍ക്കള (www.evisionnews.in): ദുബൈ ചെങ്കള പഞ്ചായത്ത് കെ.എം.സി.സി പഞ്ചായത്ത് പരിധിയിലെ വിഷമത അനുഭവിക്കുന്നവര്‍ക്കായി രൂപം നല്‍കിയ 'കാരുണ്യത്തിന്റെ കൈതാങ്ങ്' സഹായധന പദ്ധതിയുടെ ഭാഗമായി ചികിത്സ, വിദ്യാഭ്യാസം, വിവാഹം തുടങ്ങിയവയ്ക്കുള്ള സഹായവിതരണം മുസ്ലിം ലീഗ് ജില്ലാ പ്രസിഡന്റ് ചെര്‍ക്കളം അബ്ദുള്ള ഉദ്ഘാടനം ചെയ്തു. മുസ്ലിം ലീഗ് ജില്ലാ കമ്മിറ്റിയുടെ ആഹ്വാന പ്രകാരം പാണക്കാട് സയ്യിദ് മുഹമ്മദലി ശിഹാബ് തങ്ങള്‍ സമാശ്വാസ സഹായത്തിലേക്കുള്ള പഞ്ചായത്ത് കമ്മിറ്റിയുടെ ഫണ്ട് മുസ്ലിം ലീഗ് കമ്മിറ്റിക്ക് കൈമാറി.
കെഎംസിസി കമ്മിറ്റികള്‍ ചെയ്യുന്നത് മാതൃകാപരമായ പ്രവര്‍ത്തനങ്ങളാണെന്നും ഇതു വഴി സമൂഹത്തില്‍ അവശത അനുഭവിക്കുന്നവര്‍ക്ക് വലിയ ആശ്വാസം നല്‍കാനാവുന്നുണ്ടെന്നും ചെര്‍ക്കളം അബ്ദുള്ള പറഞ്ഞു. യൂത്ത് ലീഗ് സംസ്ഥാന വൈസ് പ്രസിഡന്റ് അബ്ദുള്ളക്കുഞ്ഞി ചെര്‍ക്കളം അധ്യക്ഷത വഹിച്ചു. കെഎംസിസി പഞ്ചായത്ത് ജനറല്‍ സെക്രട്ടറി അസീസ് കമാലിയ സ്വാഗതം പറഞ്ഞു. അഷ്‌റഫ് ദാരിമി പ്രാര്‍ത്ഥന നിര്‍വഹിച്ചു. സി.ബി അബ്ദുള്ള ഹാജി, ഇ അബൂബക്കര്‍ ഹാജി, ബികെ അബ്ദുസ്സമദ്, പി.ഡി.എ റഹിമാന്‍, ഹാഷിം ബംബ്രാണി, കബീര്‍ ചെര്‍ക്കളം, ഷുക്കൂര്‍ ചെര്‍ക്കളം, ആമു തായല്‍, കെ.എം.സി.സി പഞ്ചായത്ത് നേതാക്കളായ മുനീര്‍ ബദിയടുക്ക, റഫീക്ക് എതിര്‍ത്തോട്, നാസര്‍ മല്ലം, ലത്തീഫ് കനിയടുക്കം, പഞ്ചായത്ത് മുസ്ലിം ലീഗ് ട്രഷറര്‍ മുഹമ്മദ് കുഞ്ഞി കടവത്ത് പ്രസംഗിച്ചു.
Keywords: Kasaragod-kmcc-news-marriage-cherkalam
Post a Comment
0 Comments