എടനീര്‍:(www.evisionnews.in) നിര്‍ധന വിദ്യാര്‍ത്ഥികളെ സഹായിക്കുന്നതിന് എം.ഇ.എസ്. യൂത്ത്‌വിംഗ് ജില്ലാ കമ്മിറ്റി ആവിഷ്‌കരിച്ച എജ്യുബാസ്‌കറ്റ് പദ്ധതി പ്രകാരമുള്ള പഠനോപകരണ വിതരണം തുടങ്ങി. ജില്ലയിലെ വിവിധ സ്ഥാപനങ്ങളില്‍ നിന്നും വ്യക്തികളില്‍ നിന്നും ശേഖരിച്ച പഠനസാമഗ്രികളാണ് വിദ്യാര്‍ത്ഥികള്‍ക്ക് നല്‍കിവരുന്നത്. എടനീര്‍ ഗവ. ഹയര്‍സെക്കന്ററി സ്‌കൂളില്‍ നടന്ന ജില്ലാതല ഉദ്ഘാടനം ചെങ്കള ഗ്രാമപഞ്ചായത്ത് പ്രസിഡന്റ് സി.ബി. അബ്ദുല്ലഹാജി നിര്‍വ്വഹിച്ചു. എം.ഇ.എസ്. യൂത്ത്‌വിംഗ് ജില്ലാ പ്രസിഡന്റ് എം.എ. നജീബ് അധ്യക്ഷത വഹിച്ചു. ജനറല്‍ സെക്രട്ടറി റൗഫ് ബാവിക്കര സ്വാഗതം പറഞ്ഞു. മനാഫ് എടനീര്‍ പദ്ധതി വിശദീകരണം നടത്തി. പ്രധാന അധ്യാപിക വിശാലാക്ഷി ടീച്ചര്‍, മുസ്ലീം യൂത്ത് ലീഗ് ജില്ലാ സെക്രട്ടറി അഷ്‌റഫ് എടനീര്‍, ഷാനിഫ് നെല്ലിക്കട്ട, അധ്യാപകരായ സന്തോഷ്‌കുമാര്‍, സക്കീര്‍ ഹുസൈന്‍, സൂര്യനാരായണ ഭട്ട്, ഗംഗാധരന്‍ പ്രസംഗിച്ചു. അബ്ദുല്‍ഖാദര്‍ കരിപ്പൊടി നന്ദി പറഞ്ഞു.
keywords : mes youthwing-edu basket
Post a Comment
0 Comments