ബസ് യാത്രയ്ക്കിടെ മോഷണം; യുവതിയുടെ പണവും മൊബൈലും രണ്ടു വയസ്സുകാരിയുടെ പാദസരവും കവര്‍ന്നു

കുമ്പള (www.evisionnews.in): കുമ്പളയില്‍ ബസ് യാത്രയ്ക്കിടെ മോഷണം. ബന്തിയോട് സ്വദേശിനിയുടെ പണവും മൊബൈല്‍ ഫോണും കൊടിയമ്മയിലെ രണ്ടു വയസുകാരിയുടെ സ്വര്‍ണ പാദസരവും കവര്‍ന്നു. ഉപ്പള കൈക്കമ്പയില്‍ നിന്ന് ബന്തിയോട്ടേക്ക് സ്വകാര്യ ബസില്‍ യാത്രചെയ്യുകയായിരുന്ന ബന്തിയോട്ടെ മൊയ്തുവിന്റെ ഭാര്യ നഫീസയുടെ 2,500 രൂപയും പതിനായിരം രൂപ വില വരുന്ന മൊബൈല്‍ ഫോണുമാണ് നഷ്ടപ്പെട്ടത്. ബുധനാഴ്ച വൈകിട്ട് മൂന്ന് മണിയോടെയാണ് സംഭവം. 

കളത്തൂര്‍ ഭാഗത്തേക്ക് പോവുകയായിരുന്ന സ്വകാര്യബസില്‍ നിന്ന് കൊടിയമ്മയിലെ യൂസഫിന്റെ മകള്‍ രണ്ടുവയസുള്ള ഇഫയുടെ ഒന്നരപ്പവന്‍ തൂക്കമുള്ള സ്വര്‍ണ പാദസരമാണ് നഷ്ടപ്പെട്ടത്. ഉമ്മക്കൊപ്പം യാത്ര ചെയ്യുകയായിരുന്നു കുട്ടി. വൈകിട്ട് 4.30ഓടെയാണ് സംഭവം. ഇരുസംഭവങ്ങളിലുംകുമ്പള പോലീസ് കേസെടുത്ത് അന്വേഷണം തുടങ്ങി.

Keywords: Kasaragod-kumbla-police-mobile-news-robbery-bus