രാജപുരം (www.evisionnews.in): പാണത്തൂരില്‍ ഒഴുക്കില്‍പെട്ട് കാണാതായ വീട്ടമ്മയുടെ മൃതദേഹം കണ്ടെത്തി. പാണത്തൂര്‍ കമ്മാടിയിലെ ഗണേഷിന്റെ ഭാര്യ ചന്ദ്രാവതി (40)യുടെ മൃതദേഹമാണ് തിങ്കളാഴ്ച രാവിലെ കല്ലപ്പള്ളിയില്‍ കണ്ടെത്തിയത്. പാണത്തൂരിലെ എസ്റ്റേറ്റില്‍ ജോലിക്കാരിയായ ചന്ദ്രാവതി ശനിയാഴ്ച രാവിലെ ജോലിക്ക് പോയിരുന്നു. വൈകിട്ട് തിരിച്ചെത്താത്തതിനെത്തുടര്‍ന്ന് വീട്ടുകാര്‍ അന്വേഷിച്ചപ്പോള്‍ രാവിലെ ജോലിക്കെത്തിയില്ലെന്നായിരുന്നു തോട്ടം ഉടമ അറിയിച്ചത്. ഇതേ തുടര്‍ന്ന് നാട്ടുകാര്‍ തിരച്ചില്‍ നടത്തുന്നതിനിടെ ചന്ദ്രാവതിയുടെ ചോറ്റുപാത്രം വഴി മധ്യേയുള്ള ചാലിന് സമീപം കണ്ടെത്തിയത്. ഒഴുക്കില്‍പെട്ടതാണെന്ന സംശയത്തെത്തുടര്‍ന്ന് നാട്ടുകാരും ഫയര്‍ഫോഴ്‌സും തിരച്ചില്‍ നടത്തി വരുന്നതിനിടെയാണ് മൃതദേഹം കണ്ടെത്തിയത്.
Keywords: Kasaragod-news-rajapuram-found-deadbody-news
Post a Comment
0 Comments