കൊച്ചി (www.evisionnews.in): പൃഥ്വിരാജും പാര്‍വതിയും പ്രണയജോഡികളായെത്തുന്ന എന്ന് നിന്റെ മൊയ്തീന്റെ ആദ്യ ടീസര്‍ പ്രേക്ഷകരിലേക്കെത്തി. കാഞ്ചനയുടെയും മൊയ്തീനിന്റെയും അനശ്വരപ്രണയകഥയുടെ ദൃശ്യാവിഷ്‌കാരമാണ് ആര്‍.എസ് വിമല്‍ സംവിധാനം ചെയ്യുന്ന ഈ ചിത്രം.
മലബാറില്‍ വന്‍ കോളിളക്കം സൃഷ്ടിച്ച സംഭവമാണ് കാഞ്ചനമാല മൊയ്തീന്‍ പ്രണയം. മുക്കത്ത് സുല്‍ത്താന്‍ എന്ന് അറിയപ്പെട്ടിരുന്ന വി.പി. ഉണ്ണിമൊയ്തീന്‍ സാഹിബിന്റെ മകന്‍ മൊയ്തീനും രാഷ്ട്രീയസാമൂഹ്യ രംഗങ്ങളില്‍ നിറഞ്ഞു നിന്നിരുന്ന മുക്കത്തെ ഹിന്ദു പ്രമാണിയായിരുന്ന കൊറ്റങ്ങല്‍ അച്യുതന്റെ മകള്‍ കാഞ്ചനമാലയുമാണ് ഈ പ്രണയകഥയിലെ നായകനും നായികയും. അനശ്വരമായ പ്രണയ കഥ പറയുന്ന ചിത്രത്തിന്റെ ടീസര്‍ ഇപ്പോള്‍ ശ്രദ്ധ ആകര്‍ഷിച്ചു കഴിഞ്ഞു.
മൊയ്തീനായി പൃഥ്വിരാജും കാഞ്ചനമാലയായി പാര്‍വതി മേനോനും വേഷമിട്ട ചിത്രത്തില്‍ സായ്കുമാര്‍, ശശികുമാര്‍, ബാല, ലെന തുടങ്ങി മറ്റ് അനേകം താരങ്ങളും അഭിനയിക്കുന്നുണ്ട്. സംഗീതം: എം ജയചന്ദ്രന്‍, രമേഷ് നാരായണന്‍. ഛായാഗ്രഹണം: ജോമോന്‍ ടി ജോണ്‍. പശ്ചാത്തലസംഗീതം ഗോപി സുന്ദര്‍ ആണ് നിര്‍വഹിക്കുന്നത്. റഫീക്ക് അഹമ്മദാണ് ഗാനരചന. രമേഷ് നാരായണനും എം ജയചന്ദ്രനും ചേര്‍ന്നാണ് സംഗീതം ഒരുക്കുന്നത്.
Keywords: kerala-news-kochi-cinema-prithiaj-parathiyum
Post a Comment
0 Comments