ന്യൂഡല്‍ഹി:(www.evisionnews.in) ഓട്ടോ ഡ്രൈവറെ ബലാത്സംഗം ചെയ്യാന്‍ ശ്രമിച്ച യുവതിയെ പോലീസ്‌ പിടികൂടി. ഉമേഷ്‌ പ്രസാദ്‌(41) എന്ന ഓട്ടോ ഡ്രൈവറാണ്‌ സംഭവത്തില്‍ പോലീസില്‍ പരാതി നല്‍കിയത്‌. തുടര്‍ന്ന്‌ 32കാരിയായ രേണു ലാല്‍വാനി എന്ന യുവതിയെ പോലീസ്‌ അറസ്‌റ്റ് ചെയ്‌തു.
ഡല്‍ഹിയിലെ സാകേതില്‍ നിന്ന്‌ അര്‍ജുന്‍ നഗറിലേക്ക്‌ യുവതിയും സുഹൃത്തും ഉമേഷിന്റെ ഓട്ടോ വിളിക്കുകയായിരുന്നു. തുടര്‍ന്ന്‌ അര്‍ജുന്‍ നഗറിലെത്തിയപ്പോള്‍ പണം ആവശ്യപ്പെട്ട ഓട്ടോ ഡ്രൈവറോട്‌ യുവതി ഫ്‌ളാറ്റിലേക്ക്‌ ചെല്ലാന്‍ ആവശ്യപ്പെട്ടു. ഫ്‌ളാറ്റില്‍ എത്തിയ ഉടന്‍ ഉമേഷിന്‌ വെള്ളം നല്‍കുകയും കതകടച്ച ശേഷം യുവതി ലൈംഗിക ബന്ധത്തിന്‌ പ്രേരിപ്പിക്കുകയായിരുന്നെന്ന്‌ ഇയാള്‍ പോലീസില്‍ മൊഴി നല്‍കി.
സംഭവം യുവതിയുടെ സുഹൃത്ത്‌ മൊബൈല്‍ ക്യാമറയില്‍ പകര്‍ത്താന്‍ ശ്രമിച്ചെന്നും ഉമേഷ്‌ പോലീസില്‍ മൊഴി നല്‍കി. യുവതിയുടെ സുഹൃത്തിനായുള്ള തിരച്ചില്‍ തുടരുകയാണ്‌.
ലൈംഗിക ബന്ധത്തിന്‌ വിസമ്മതിച്ച ഡ്രൈവര്‍ക്ക്‌ യുവതി മദ്യം നല്‍കാന്‍ ശ്രമിച്ചു. ഇതും നിരസിച്ചപ്പോള്‍ ഉമേഷിന്റെ വസ്‌ത്രങ്ങള്‍ കീറി നിര്‍ബന്ധിത ലൈംഗിക ബന്ധത്തിന്‌ പ്രേരിപ്പിക്കുകയായിരുന്നു. ഇരു യുവതികളും അടുത്ത മുറിയില്‍ പോയപ്പോള്‍ താന്‍ രക്ഷപെടുകയായിരുന്നെന്നും ഡ്രൈവര്‍ പോലീസില്‍ മൊഴി നല്‍കി. തുടര്‍ന്ന്‌ പോലീസ്‌ യുവതിയുടെ ഫ്‌ളാറ്റില്‍ നടത്തിയ തിരച്ചിലില്‍ ഓട്ടോ ബാഡ്‌ജുഗളും ഡ്രൈവിങ്‌ ലൈസന്‍സുകളും കണ്ടെടുത്തു.
keywords :autorikshaw-driver-lady-rape-arrest
Post a Comment
0 Comments