ഉപ്പള (www.evisionews.in): കര്‍ണാടയില്‍ നിന്ന് മോഷ്ടിച്ചു കൊണ്ടുവന്ന വാഹനങ്ങള്‍ ഉപയോഗിച്ച് മണല്‍കടത്തിയ കേസില്‍ ഒരാള്‍ കൂടി അറസ്റ്റില്‍. ഉപ്പളയിലെ ദാവൂദ് ജലീല്‍ എന്ന കലന്തറാ(26)ണ് അറസ്റ്റിലായത്. ഇതോടെ ഈ കേസില്‍ അറസ്റ്റിലായവരുടെ എണ്ണം മൂന്നായി. പ്രതികളില്‍നിന്ന് ഏഴ് വാഹനങ്ങള്‍ കണ്ടെടുത്തു. കൂട്ടാളികളായ കുബണൂരിലെ മൊയ്തീന്‍ ഇര്‍ഷാദ് (21), ഉപ്പള പെരിങ്കടിയിലെ മൊയ്തീന്‍ ഷെരീഫ് (26) എന്നിവരെ നേരത്തേ അറസ്റ്റുചെയ്തിരുന്നു. ഇവരുമായി ബന്ധമുള്ളവരെ കണ്ടെത്താന്‍ കുമ്പള കേന്ദ്രീകരിച്ച് പോലീസ് അന്വേഷണം ഊര്‍ജിതമാക്കി. കഴിഞ്ഞമാസം 28ന് ബന്തിയോട് ദേശീയപാതയില്‍ വാഹനപരിശോധന നടത്തുകയായിരുന്ന പോലീസ് സംഘത്തെകണ്ട് പിക്കപ്പ് ഉപേക്ഷിച്ച് രണ്ടുപേര്‍ രക്ഷപ്പെട്ടിരുന്നു. വാഹനം കസ്റ്റഡിയിലെടുത്ത് നടത്തിയ അന്വേഷണത്തില്‍ വിട്‌ല പോലീസ് സ്റ്റേഷന്‍ പരിധിയില്‍നിന്ന് മോഷ്ടിക്കപ്പെട്ടതാണെന്ന് കണ്ടെത്തി. തുടര്‍ന്ന് നടത്തിയ അന്വേഷണത്തിലാണ് ഇര്‍ഷാദിനെയും ഷെരീഫിനെയും അറസ്റ്റുചെയ്ത് വിട്‌ല പോലീസിന് കൈമാറിയത്. ഇവരില്‍നിന്ന് ലഭിച്ച മൊഴിയുടെ അടിസ്ഥാനത്തിലാണ് കലന്തറിനെ അറസ്റ്റുചെയ്തത്. പിക്കപ്പ്, ജീപ്പുകള്‍, വാന്‍ എന്നിവയാണ് കണ്ടെത്തിയത്.
Keywords: Kasaragod-pick-up-robbery-one-arrest-case-
Post a Comment
0 Comments