കരിപ്പൂര്‍: യൂത്ത് ലീഗ് പ്രതിഷേധ മാര്‍ച്ച് നാളെ

കോഴിക്കോട് (www.evisionnews.in): ഭാഗികമായി അടച്ചിടുകയും നിര്‍മാണ പ്രവൃത്തികള്‍ അനിശ്ചിതത്തിലാക്കുകയും ചെയ്ത സാഹചര്യത്തില്‍ വിമാനത്താവളം സംരക്ഷിക്കണമെന്നാവശ്യപ്പെട്ട് യൂത്ത് ലീഗ് സംസ്ഥാന കമ്മിറ്റിയുടെ ആഭിമുഖ്യത്തില്‍ പ്രതിഷേധ മാര്‍ച്ച് സംഘടിപ്പിക്കും. തിങ്കളാഴ്ച 10മണിക്ക് കൊണ്ടോട്ടി മോയിന്‍ കുട്ടി വൈദ്യര്‍ കലാ അക്കാദമിക്ക് സമീപത്ത് നിന്ന് പ്രതിഷേധ മാര്‍ച്ച് ആരംഭിക്കും.

മുസ്ലിംലീഗ് അഖിലേന്ത്യ പ്രസിഡന്റും മുന്‍ കേന്ദ്രമന്ത്രിയുമായ ഇ അഹമ്മദ് എംപി, സയ്യിദ് സാദിഖലി ശിഹാബ് തങ്ങള്‍, മുസ്ലിം ലീഗ് അഖിലേന്ത്യാ സെക്രട്ടറി ഇടി മുഹമ്മദ് ബഷീര്‍ എംപി, സംസ്ഥാന പിവി അബ്ദുല്‍ വഹാബ് എംപി, എംഎല്‍എമാരായ അഡ്വ. കെഎന്‍എ ഖാദര്‍, കെ മുഹമ്മദുണ്ണി ഹാജി, പികെ ബഷീര്‍, കെഎം ഷാജി, മുസ്ലിംലീഗ് മലപ്പുറം ജില്ലാ സെക്രട്ടറി പി അബ്ദുല്‍ ഹമീദ് മാസ്റ്റര്‍, കോഴിക്കോട് ജില്ലാ പ്രസിഡന്റ് ഉമ്മര്‍ പാണ്ടികശാല പ്രസംഗിക്കും. 

Keywords; Kerala-kozikkod-news-monday-youth-league-protest-news-karippur-airport