ദോഹ:(www.evisionnews.in) നാടിനും നാട്ടുകാര്‍ക്കും എന്നും സഹായ ഹസ്തമാകുന്ന പ്രവാസി സമൂഹം സ്വന്തം ക്ഷേമൈശ്വര്യങ്ങള്‍ക്ക് മറ്റുള്ളവരില്‍ പ്രതീക്ഷ അര്‍പ്പിക്കരുതെന്നും, സ്വയം പര്യാപ്തമാകാന്‍ ശ്രമിക്കണമെന്നും ഖത്തര്‍ കേരള കെ എം സി സി കേന്ദ്ര കമ്മിറ്റി പ്രസിഡന്റ് എസ് എ എം ബഷീര്‍ പ്രവാസികളോട് അഭ്യര്‍ഥിച്ചു.
കാസര്‍ക്കോടന്‍ കൂട്ടായ്മയുടെ ഒമ്പതാം വാര്‍ഷിക ജനറല്‍ ബോഡി യോഗം ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം.
പ്രവാസ ജിവിതം അവസാനിപ്പിച്ചു നാട്ടിലേക്ക് മടങ്ങുമ്പോള്‍ വെറും കയ്യുമായി മടങ്ങുന്നവരാണ് നമ്മളിലേറെപേര്‍ എന്ന് തിരിച്ചറിഞ്ഞ് നാളേക്ക് വേണ്ടി സഹകരിച്ചു പ്രവര്‍ത്തിക്കാന്‍ അദ്ദേഹം പ്രവാസികളോട് ആവശ്യപ്പെട്ടു.
ക്യുട്ടീക് ചെയര്‍മാന്‍ ഡോ എം പി ഷാഫി ഹാജി അദ്ധ്യക്ഷത വഹിച്ച മുസ്തഫ ബാങ്കോട് വാര്‍ഷിക പ്രവര്‍ത്തന റിപ്പോര്‍ട്ടും മന്‍സൂര്‍ മുഹമ്മദ് സാമ്പത്തിക റിപ്പോര്‍ട്ടുംഅവതരിപ്പിച്ചു.
ഇ. ടി. അബ്ദുല്‍ കരീം, അബ്ദുല്ല ത്രീ സ്റ്റാര്‍, ഹാരിസ് പി എസ് , സത്താര്‍ നെല്ലിക്കുന്ന് , ഇഖ്ബാല്‍ ആനബാഗില്‍, ബഷീര്‍ സ്രാങ്ക്, കാദര്‍ ഉദുമ . ബഷീര്‍ ചാലക്കുണ്, കെ എസ് അബ്ദുള്ള , സുബൈര്‍ ടി എ എന്നിവര്‍ സംസാരിച്ചു.എം ലുഖ്മാനുല്‍ ഹക്കീം സ്വാഗതവും യുസുഫ് ഹൈദര്‍ നന്ദിയും പറഞ്ഞു
keywords :Qatar-kmcc-gulf-sam-basheer
Post a Comment
0 Comments