കുമ്പള: (www.evisionnews.in) സ്വകാര്യ സ്‌കൂളിലെ അഞ്ചാം ക്ലാസ് വിദ്യാര്‍ത്ഥിനിയെ ഓട്ടോയില്‍ പീഡിപ്പിക്കാന്‍ ശ്രമിച്ച കേസില്‍ ഡ്രൈവറെയടക്കം രണ്ട് പേരെ കുമ്പള പോലീസ് അറസ്റ്റ് ചെയ്തു. പെര്‍വാര്‍ഡിലെ രാജേഷ് (30) സുഹൃത്ത് കോയിപ്പാടി കുണ്ടങ്കാരടുക്കയിലെ ദിനേശ് (32) എന്നിവരെയാണ് അറസ്റ്റ് ചെയ്തത്. വിദ്യാര്‍ത്ഥിനി അറിയിച്ചതിനെ തുടര്‍ന്ന് നാട്ടുകാര്‍ രാജേഷിനെ പിടികൂടുകയായിരുന്നു. പിന്നീട് രാജേഷിനെ പോലീസ് കസ്റ്റഡിയിലെടുത്ത് ചോദ്യം ചെയ്തപ്പോഴാണ് ദിനേശിനെക്കുറിച്ച് അറിഞ്ഞത്. ഇതേ തുടര്‍ന്ന് ദിനേശിനെയും കസ്റ്റഡിയിലെടുക്കുകയായിരുന്നു. വെള്ളിയാഴ്ച വൈകിട്ട് ഓട്ടോയില്‍ സ്‌കൂളില്‍ നിന്ന് വീട്ടിലേക്ക് വരികയായിരുന്നു വിദ്യാര്‍ത്ഥിനി. ഓട്ടോ പോലീസ് കസ്റ്റഡിയിലെടുത്തിട്ടുണ്ട്.
Keywords: Auto, student, Kumbala, Rajesh, Dinesh, custody, auto, custody, evisionnews.in,
Post a Comment
0 Comments