മണ്ണെണ്ണ സ്റ്റൗ പൊട്ടിത്തെറിച്ച് ഗുരുതരമായി പൊള്ളലേറ്റ വിദ്യാര്‍ത്ഥിനി മരിച്ചു

കുമ്പള (www.evisionnews.in): മണ്ണെണ്ണ സ്റ്റൗ പൊട്ടിത്തെറിച്ച് ഗുരുതരമായി പൊള്ളലേറ്റ് ചികിത്സയിലായിരുന്ന വിദ്യാര്‍ത്ഥിനി മരിച്ചു. കുമ്പള കഞ്ചിക്കട്ടയിലെ ക്വാര്‍ട്ടേഴ്‌സില്‍ താമസിക്കുന്ന രവിചന്ദ്രയുടെ മകള്‍കാവ്യ (15)യാണ് മരിച്ചത്. വെള്ളിയാഴ്ച പുലര്‍ച്ചെ നാലുമണിയോടെയായിരുന്നു മരണം.

ബുധനാഴ്ച രാവിലെ അടുക്കളയില്‍ വെച്ചാണ് കാവ്യയ്ക്ക് പൊള്ളലേറ്റത്. ഉടന്‍ കുമ്പള ആശുപത്രിയില്‍ പ്രവേശിപ്പിച്ചെങ്കിലും നില ഗുരുതരമായതിനെ തുടര്‍ന്ന് മംഗലാപുരത്തെ ആശുപത്രിയിലേക്ക് മാറ്റുകയായിരുന്നു. കുമ്പള ഗവ. ഹയര്‍സെക്കണ്ടറി സ്‌കൂള്‍ വിദ്യാര്‍ത്ഥിനിയാണ് കാവ്യ. ജയന്തിയാണ് അമ്മ. രക്ഷിത് ഏകസഹോദരനാണ്.

Keywords: Kasaragod-kumbla-stove-blast-student-news