അട്ടപ്പാടി(www.evisionnews.in): അട്ടപ്പാടിയില്‍ യുവാവ് വെടിയേറ്റ് മരിച്ചു. മുക്കാലിയില്‍ സ്റ്റുഡിയോ നടത്തുന്ന കല്‍ക്കണ്ടി സ്വദേശി ബെന്നിയാണ് മരിച്ചത്. വെള്ളിയാഴ്ച പുലര്‍ച്ചെ അട്ടപ്പാടിയിലെ അഗളിയില്‍ വനത്തോട് ചേര്‍ന്ന ഭാഗത്ത് വെച്ചാണ് വെടിയേറ്റത്.
ഹോട്ടല്‍ ജീവനക്കാരനായ കുട്ടായിയുമൊത്ത് ചിണ്ടക്കി ഭാഗത്ത് മീന്‍ പിടിക്കാന്‍ പോയതായിരുന്നു ബെന്നി. മീന്‍ പിടിക്കുന്നതിനിടെ ഇവര്‍ക്ക് നേരെ ഒരു ടോര്‍ച്ച് വെളിച്ചം വന്നു. ഇവര്‍ കൈയ്യിലുണ്ടായിരുന്ന ടോര്‍ച്ച് തിരിച്ചടിച്ചപ്പോഴാണ് വെടിവെപ്പ് ഉണ്ടായതെന്നാണ് സുഹൃത്ത് പോലിസിന് നല്‍കിയ മൊഴിയില്‍ പറഞ്ഞത്.
വിവരമറിഞ്ഞ് അഗളി സിഐ കെഎം ദേവസ്യയുടെ നേതൃത്വത്തില്‍ പോലീസ് സംഘം സ്ഥലത്തെത്തി. നേരത്തെ മാവോവാദികള്‍ ഒരുദിവസം മുഴുവനും ആദിവാസികളോടൊന്നിച്ച് അട്ടപ്പാടിയില്‍ ചെലവഴിച്ച വാര്‍ത്തകള്‍ പുറത്ത് വന്നിരുന്നു. ആഴ്ചകള്‍ക്ക് മുമ്പ് മാവോവാദികള്‍ മുക്കാലിയിലെ വനംവകുപ്പ് ഓഫീസിന് നേരെ ആക്രമണം നടത്തിയിരുന്നു.അതിന്റെ തുടര്‍ച്ചയാണ് അക്രമമെന്നാണ് സംശയിക്കുന്നത്.
Keywords: kerala-palakkad-attappady-man-shoted-in-wold
Post a Comment
0 Comments