സ്മാര്‍ട്ട്‌ഫോണ്‍ വിപണി കീഴടക്കാന്‍ ഇന്ത്യന്‍ ഫോണ്‍ നിര്‍മാതാക്കളായ ലാവ. ലാവയുടെ പുതിയ സ്മാര്‍ട്ട്‌ഫോണ്‍ ഐറിസ് എക്‌സ്8 8,999 രൂപയ്ക്ക് ഉടന്‍ ഫഌപ്പ്കാര്‍ട്ടില്‍ എത്തും. 2ജിബി റാം മെമ്മറിയുള്ള ഫോണ്‍ ലാവയുടെ എല്ലാ ഷോറൂമുകളിലും ലഭിക്കും. തിങ്കളാഴ്ച ഉച്ചക്ക് 12 മണിമുതലാണ് ഫ്ളിപ്കാര്‍ട്ടില്‍ വില്‍പന ആരംഭിക്കുക.
മൊബൈലുമായി സഹകരിച്ച് 500എംബി 3ജി ഡാറ്റ ഉപഭോക്താക്കള്‍ക്ക് നല്‍കാനും പദ്ധതിയുണ്ട്. 3ജി നെറ്റ്‌വര്‍ക്ക് ലഭിക്കാത്തയിടങ്ങളില്‍ 500 എംബി തന്നെ 2ജി ഡാറ്റ നല്‍കും. കൂടാതെ ഫോണിനൊപ്പം ഫഌപ്പ് കവറും നല്‍കുന്നതായിരിക്കും. ഇരട്ട സിം ഉപയോഗിക്കാവുന്ന ഐറിസ്8 ന്റെ ഓപ്പറേറ്റിംഗ് സിസ്റ്റം ആന്‍ഡ്രോയ്ഡ് 4.4 വേര്‍ഷന്‍ ആയിരിക്കും. നേരത്തേ ലാവ വാഗ്ദാനം ചെയ്തിരുന്നത് ആന്‍ഡ്രോയ്ഡ് 5.0 ലോലിപോപ്പ ആണ്.
അസാഹി ഡ്രാഗണ്‍ട്രെയില്‍ ഗ്ലാസോടുകൂടിയ 5 ഇഞ്ച് ഡിസ്‌പ്ലേയാണ് ഐറിസ് എക്‌സ്8ന്റേത്. 2ജിബി റാം, 1.4 ഹെട്‌സ് എട്ട് കോര്‍ പ്രൊസസര്‍ എന്നിവയുമുണ്ട്. 16 ജിബിയാണ് ഇന്റേണല്‍ സ്റ്റോറേജ് മെമ്മറി. ഇത് 32 ജിബി വരെ എക്‌സ്പാന്‍ഡബിള്‍ ആണ്. എല്‍ഇഡി ഫ്‌ളാഷോടുകൂടിയ പ്രധാന ക്യാമറ 8 മെഗാപിക്‌സല്‍ ആണ്. 3 മെഗാപിക്‌സല്‍ മുന്‍ ക്യാമറയുമുണ്ട്. പ്രധാന ക്യാമറ ഫുള്‍ എച്ച്ഡി വീഡിയോ റെക്കോര്‍ഡിംഗ് സപ്പോര്‍ട്ട് ചെയ്യുന്നു. പനോരമ, എച്ച്ഡിആര്‍ മോഡ്, ഫെയ്‌സ് ഡിറ്റെക്ഷന്‍, സ്‌മൈല്‍ ഷോട്ട്, വോയ്‌സ് ക്യാപ്ച്ചര്‍ എന്നീ സംവിധാനങ്ങളുമുണ്ട്.
Keywords: Smart phone, India, Lava, Iris X, two g, Kitkat, Lolippop
Post a Comment
0 Comments