പൊയിനാച്ചി:(www.evisionnews.in) കേരള രാഷ്ട്രീയത്തിലെ പ്ലേ മേക്കറായിരുന്നു ലീഡര്‍ കെ. കരുണാകരനെന്ന് കെ.പി.സി.സി വൈസ് പ്രസിഡന്റ് വി.ഡി സതീശന്‍ പറഞ്ഞു. ഇന്ത്യയില്‍ രാഷ്ട്രീയത്തില്‍ കിംഗ് മേക്കറായിരുന്ന ലീഡര്‍ രാഷ്ട്രീയത്തിലെ മറഡോണയായിരുന്നുവെന്നും ജനാധിപത്യത്തിന്റെ അന്തസത്ത ഉള്‍ക്കൊണ്ട് ഉദ്യോഗസ്ഥ തല ഭരണത്തിന് മൂക്കുകയറിട്ട നേതാവായിരുന്നു കരുണാകരന്‍ എന്നും അദ്ദേഹം കൂട്ടിച്ചേര്‍ത്തു.
പൊയിനാച്ചി ലീഡേര്‍സ് ഫോറം സംഘടിപ്പിച്ച ഫ്‌ലെഡ് ലൈറ്റ് ഫുഡ്‌ബോള്‍ ടൂര്‍ണമെന്റ് ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. ജില്ലാ പഞ്ചായത്ത് അംഗം പാദൂര്‍ കുഞ്ഞാമു ഹാജി അദ്ധ്യക്ഷത വഹിച്ചു. കെ.പി.സി.സി ജനറല്‍ സെക്രട്ടറി കെ.പി കുഞ്ഞിക്കണ്ണന്‍, സെക്രട്ടറി കെ. നീലകണ്ഠന്‍,ഡി.സി.സി ജനറല്‍ സെക്രട്ടറിമാരായ തച്ചങ്ങാട് ബാലകൃഷ്ണന്‍, അഡ്വ. ടി.കെ.സുധാകരന്‍, പി.കെ. ഫൈസല്‍, അഡ്വ.കെ. കെ. രാജേന്ദ്രന്‍, വിനോദ് കുമാര്‍ പള്ളയില്‍ വീട്, ഗീതാകൃഷ്ണന്‍, പ്രദീഷ് നെല്ലിയടുക്കം, ജയേഷ് പൊയിനാച്ചി, ഉണ്ണികൃഷ്ണന്‍ പൊയിനാച്ചി, മണിമോഹന്‍ ചട്ടംഞ്ചാല്‍ സംസാരിച്ചു.
keywords : kerala-political-maradona-leader-vt-sadheeshan
Post a Comment
0 Comments