കാസര്‍കോട്: (www.evisionnews.in) ചെമ്മനാട് ബി.ജെ.പി ഓഫീസ് തീയിട്ട് നശിപ്പിച്ചു. ഓഫീസ്, ക്ലബ്, സാമഗ്രികള്‍ സൂക്ഷിക്കുന്ന റൂം എന്നിങ്ങനെ മൂന്ന് ഷട്ടറുകളിലായി പ്രവര്‍ത്തിക്കുന്ന കെ.ജി മാരാര്‍ജി സ്മാര മന്ദിരത്തിനാണ് തീയിട്ടത്. ഞായറാഴ്ച പുലര്‍ച്ചെ 1 മണിക്കും 4 മണിക്കും ഇടയിലാണ് സംഭവം. ശ്രീ കൃഷ്ണ ജയന്തിക്ക് ആവശ്യമായ സാമഗ്രികള്‍, ഷട്ടര്‍, ഫൈബര്‍ ഷീറ്റ്, ഫര്‍ണ്ണിച്ചറുകള്‍ തുടങ്ങിയവ ഭാഗികമായും നശിപ്പിച്ച നിലയിലാണ്. ഒരു ലക്ഷത്തോളം രൂപയുടെ നഷ്ടം കണക്കാക്കുന്നു.
സംഭവ സ്ഥലത്തെത്തിയ കാസര്‍കോട് ടൗണ്‍ പോലീസ് കേസെടുത്ത് അന്വേഷണമാരംഭിച്ചു. സമാധാനാന്തരീക്ഷം നിലനില്‍ക്കുന്ന ഭാഗങ്ങളില്‍ പ്രശ്‌നമുണ്ടാക്കാന്‍ ശ്രമിക്കുന്ന സാമൂഹ്യദ്രോഹികളെ ഉടന്‍ കണ്ടെത്തണമെന്ന് ഭാരവാഹികള്‍ ആവശ്യപ്പെട്ടു.
Keywords: Chemmanad, Panchayath office, evisionnews.in, Kasaragod, burn, Shree Krishna Jayathi, Shutter,
Post a Comment
0 Comments