സൂപ്പര്‍ ഡാന്‍സിലൂടെ വിസ്മയം തീര്‍ത്ത് ലോഗോ പ്രകാശനം

കാഞ്ഞങ്ങാട്: (www.evisionnews.in)  പടന്നക്കാട് നെഹ്‌റു ആര്‍ട്‌സ് ആന്റ് സയന്‍സ് കോളേജ് കൊമേഴ്‌സ് അസോസിയേഷന്റെ ആഭിമുഖ്യത്തില്‍ നടത്തുന്ന കൊമേഴ്‌സ് എക്‌സിബിഷന്‍ 'എക്‌സ്‌പോ കൊമോഴ്‌സിയോ-2015 ന്റെ ലോഗോ പ്രകാശനം ഫഌഷ് മൊബ് നൃത്തചുവടുകളോടെ ഉമേഷ് ചെറുവത്തൂര്‍ മാജിക്കിലൂടെ പ്രദര്‍ശിപ്പിച്ച് കാസര്‍കോട് പ്രസ്‌ക്ലബ് പ്രസിഡന്റ് എം.ഒ. വര്‍ഗീസ് കോളേജ് പ്രിന്‍സിപ്പള്‍ ഡോ.എ. മുരളീധരന് കൈമാറി. മൂന്നാം വര്‍ഷ കൊവേഴ്‌സ് വിദ്യാര്‍ത്ഥി കെ.ജി.രതീഷാണ് ലോഗോ രൂപകല്‍പന ചെയ്തത്.

ജനുവരി 28,20ന് നടക്കുന്ന എക്‌സിബിഷന്‍ ശ്രീ.കുഞ്ഞിരാമന്‍ എം.എല്‍.എ ഉദ്ഘാടനം ചെയ്യും. വിവിധ സ്റ്റാളുകള്‍ പ്രദര്‍ശനത്തിന് ഉണ്ടാകും. ഇ.ഡി.ക്ലബിന്റെ ഉദ്ഘാടനം എന്‍.എം.ഇ.എസ് ട്രഷറര്‍ ശ്രീ.വി.പി ദിവാകരന്‍ നമ്പ്യാര്‍ നിര്‍വ്വഹിക്കും.

ശ്രീമതി സുശീല നായര്‍ മുഖ്യാതിഥിയായിരിക്കും. കൊമേഴ്‌സിനെക്കുറിച്ചുള്ള അറിവു നല്‍കുന്നതിനോടൊപ്പം വിദ്യാര്‍ത്ഥികള്‍ നിര്‍മ്മിച്ച വിവിധ തരം ഉപകരണങ്ങള്‍ വില്‍പനയക്കു വയ്ക്കും.

Keywords: Super dance, logo, Padannakad Nehru arts and science college, commerce association, exhibition