സഅദിയ്യ 'എക്‌സ് അലുമ്‌നോസ് മീറ്റ്' നാളെ

ദേളി (www.evisionnews.in): സ:അദിയ്യ ഇംഗ്ലീഷ് മീഡിയം സ്‌കൂള്‍ പൂര്‍വ്വ വിദ്യാര്‍ത്ഥികളുടെ 'എക്‌സ് അലുമ്‌നോസ് മീറ്റ്' ജനുവരി 26 തിങ്കളാഴ്ച്ച 2 മണിക്ക് സ്‌കൂള്‍ ഓഡിറ്റോറിയത്തില്‍ വച്ച് നടക്കും. 1985 ല്‍ തുടക്കം കുറിച്ച സ്‌കൂളിലെ 2010 വരേയുള്ള 25 ബാച്ചുകളുടെ അപൂര്‍വ്വ സംഗമമാണ് സംഘടിപ്പിക്കുന്നത്. 

പൂര്‍വ്വകാല പഠിതാക്കളും അദ്ധ്യാപകരും പ്രിന്‍സിപ്പല്‍മാരും സംബന്ധിക്കുന്ന സംഗമം വൈകുന്നേരം 5 മണി വരേ നീണ്ടു നില്‍ക്കുന്ന പരിപാടിയില്‍ സഅദിയ്യ പ്രസിഡന്റ് കെ.എസ് ആറ്റക്കോയ തങ്ങള്‍ ജനറല്‍ സെക്രട്ടറി സയ്യിദ് ഫസല്‍ കോയമ്മ തങ്ങള്‍, ജനറല്‍ മാനേജര്‍ എം.എ അബ്ദുല്‍ ഖാദിര്‍ മുസ്ലിയാര്‍ തുടങ്ങിയ പ്രമുഖ വ്യക്തിത്വങ്ങള്‍ സംബന്ധിക്കും. സാംസ്‌കാരിക രംഗങ്ങളില്‍ പ്രവര്‍ത്തിക്കുന്ന പൂര്‍വ വിദ്യാര്‍ത്ഥികളും മീറ്റില്‍ പങ്കെടുക്കും.

Keywords: kasaragod-saidia-exaluminimeet-tomorrow-englishmedium