കുമ്പഡാജെയില്‍ പേപ്പട്ടി വിളയാട്ടം; നിരവധി പേര്‍ക്ക് കടിയേറ്റു അഞ്ചു പേര്‍ ആശുപത്രിയില്‍

കുമ്പഡാജെ: (www.evisionnews.in)  കുമ്പഡാജെ തുപ്പക്കല്ലില്‍ പേപ്പട്ടി വിളയാട്ടം. പതിനഞ്ചിലധികം പേര്‍ക്ക് കടിയേറ്റു. ഞായറാഴ്ച രാവിലെയായിരുന്നു സംഭവം.
പേ ഇളകിയ നായ വഴിയില്‍ കണ്ടവരെയും കന്നുകാലികളെയും വീട്ടിനകത്ത് കയറിയും കടിച്ച് പരിക്കേല്‍പ്പിക്കുകയായിരുന്നു. പേപ്പട്ടിയുടെ കടിയേറ്റ് പരിക്കേറ്റ മദ്രസ വിട്ട് വരികയായിരുന്ന അഞ്ചു വയസുകാരന്‍ അനസ്, വീട്ടില്‍ ഭക്ഷണം കഴിച്ച് കൊണ്ടിരിക്കുകയായിരുന്ന സിനാന്‍ (3), ആയിഷ (70), ഹലീമ (35) സഹീര്‍ എന്നിവരെ കാസര്‍കോട് ജനറല്‍ ആശുപത്രിയില്‍ പ്രവേശിപ്പിച്ചു. പരിക്കേറ്റ മറ്റുള്ളവരെ ആശുപത്രിയിലെത്തിക്കാനുള്ള ശ്രമത്തിലാണ് ബന്ധുക്കള്‍.

വീട്ടുപരിസരത്ത് കെട്ടിയിട്ടിരുന്ന കന്നുകാലികള്‍ക്കും ആടുകള്‍ക്കും പേപ്പട്ടിയുടെ കടിയേറ്റിട്ടുണ്ട്. കടിയേറ്റ മൃഗങ്ങളെയും പരിശോധനയ്ക്ക് വിധേയമാക്കാതെ പാലുപോലും ഉപയോഗിക്കാന്‍ കഴിയില്ലെന്നാണ് നാട്ടുകാര്‍ പറയുന്നത്. കുമ്പഡാജെ പഞ്ചായത്തിലും പരിസരത്തും അസമയങ്ങളില്‍ സ്ത്രീകളും വിദ്യാര്‍ത്ഥികളടക്കമുള്ള വഴിയാത്രക്കാരെ തെരുവു പട്ടികള്‍ ശല്യപ്പെടുത്തുന്നത് പതിവാണെന്നും പരിസരവാസികള്‍ പറയുന്നു.

Keywords: Kumbadaje, Tuppakkall, sunday, Peppatti