കറാച്ചി: (www.evisionnews.in) ന്യൂസിലന്റിലെ ഹോട്ടല്‍ മുറിയില്‍ പ്രേതത്തിനെ കണ്ട് പേടിച്ച്‌ പാകിസ്താന്‍ ഓള്‍റൗണ്ടര്‍ ഹാരിസ് സൊഹൈല്‍. ഹോട്ടലില്‍ താന്‍ താമസിച്ച മുറിയില്‍ പ്രേതത്തെ കണ്ടെന്നാണ് സൊഹൈലിന്റെ പരാതി. പ്രേതത്തെ കുറിച്ച്‌ ഹോട്ടല്‍ അധികൃതരോട് പരാതിപ്പെട്ട സൗഹൈല്‍ തന്റെ മുറി മാറ്റി തരണമെന്നും ആവശ്യപ്പെട്ടു. അര്‍ധരാത്രി ഉറക്കമുണര്‍ന്നപ്പോഴാണ് സൊഹൈല്‍ പ്രേതത്തിനെ കണ്ടതത്രേ. പ്രേതത്തെ കണ്ടെന്ന് ഹോട്ടല്‍ ജീവനക്കാരോട് പറഞ്ഞ താരം ഉടന്‍ തന്നെ തനിക്ക് വേറെ മുറി തരണമെന്നും ആവശ്യപ്പെട്ടു. ഈ സമയത്ത് കടുത്ത പനിയും സൊഹൈലിന് ഉണ്ടായിരുന്നെന്നും ഒപ്പമുണ്ടായിരുന്നവര്‍ പറയുന്നു. രണ്ട് ഏകദിന മത്സരങ്ങള്‍ക്കായാണ് പാക് ടീം ന്യൂസിലന്റിലെത്തിയത്. ലോകകപ്പിന് മുന്നോടിയായുള്ള തയ്യാറെടുപ്പായാണ് പാകിസ്താന്‍ ന്യൂസിലന്റുമായുള്ള മത്സരത്തെ കാണുന്നത്. ഇതിനിടയിലാണ് വിചിത്രമായ പരാതിയുമായി ടീമംഗം എത്തിയിരിക്കുന്നത്. അതേസമയം, എന്ത് കണ്ടാണ് സൊഹൈല്‍ പേടിച്ചതെന്ന് വ്യക്തമല്ല.
Keywords: Newzeland, Pakisthan Cricketer, Haris Suhail, hotel,
Post a Comment
0 Comments