കാസര്‍കോട്:(www.evisionnews.in) പ്രശസ്തമായ ചെമ്മനാട് മഹിന്‍ക തറവാട് അംഗങ്ങള്‍ വീണ്ടും ഒത്തുകൂടുന്നു. ജനുവരി 26ന് മാന്യ വിന്‍ടെച്ച് വില്ലയിലാണ് സംഗമിക്കുന്നത്.
സംഗമത്തില്‍ കുടുംബാംഗമായ കര്‍ണാടക കമ്മിഷ്ണര്‍ ഇബ്രാഹിം അഡൂരിനെ ആദരിക്കും. വിവിധ കലാപരിപാടികളും അരങ്ങേറും.
മുന്നൂറ് വര്‍ഷം പഴക്കമുള്ള കുടുംബത്തില്‍ സമൂഹത്തിന്റെ വിവിധ മേഖലകളില്‍ വ്യക്തിമുദ്ര പതിപ്പിച്ച നിരവധിപേരുണ്ട്. ഇരുപതിനായിരത്തിലേറെ അംഗങ്ങള്‍ ഉള്‍പ്പെടുന്ന പ്രശസ്തമായ കുടുംബമാണ് മഹിന്‍ക തറവാട്. ബന്ധങ്ങളുടെ പവിത്ര ഊട്ടിയുറപ്പിച്ചുകൊണ്ട് ഓരോ വര്‍ഷവും കുടുംബങ്ങള്‍ സംഗമിക്കുന്നു. എല്ലാ തിരക്കുകളും മാറ്റിവെച്ച് അംഗങ്ങള്‍ അന്ന് ഒത്തുകൂടും.
പരിപാടിയുടെ ഒരുക്കങ്ങള്‍ പൂര്‍ത്തിയായതായി ട്രസ്റ്റ് ചെയര്‍മാന്‍ ഡോ.സി.പി.ഹബീബ് റഹ്മാന്‍, വൈസ് ചെയര്‍മാന്‍ അഹമ്മദ് അലി തെക്കില്‍, സെക്രട്ടറി റിട്ട.ഡിവൈ.എസ്.പി ടി.സി.എം.ഷെരീഫ്, ട്രഷറര്‍ പി.സി.എം കുഞ്ഞി അറിയിച്ചു.
keywords : mahinka-tharavad-members-26-meet-chemmanad-manya-wintouch
Post a Comment
0 Comments