മുംബൈ: (www.evisionnews.in) മുംബൈ കുര്‍ളയിലുള്ള കൊമേഴ്‌സ്യല്‍ അക്വേറിയത്തില്‍ നിന്നും ലക്ഷങ്ങള്‍ വില വരുന്ന മത്സ്യങ്ങള്‍ മോഷ്ടിക്കപ്പെട്ടു. മോഷ്ടാക്കളെന്ന് സംശയിക്കുന്ന മൂന്ന് പേരെ കുറിച്ച് പോലീസ് അന്വേഷിച്ച് വരികയാണ്. ഗോള്‍ഡന്‍ പേള്‍ അരോവാന എന്ന് പേരുള്ള 126 മത്സ്യങ്ങളെയാണ് മോഷ്ടിച്ചത്. മീനുകളുടെ എണ്ണത്തില്‍ കുറവുണ്ടെന്ന് കണ്ടതിനെ തുടര്‍ന്ന് അക്വേറിയം ഉടമ പോലീസില്‍ പരാതി നല്‍കുകയായിരുന്നു.
വീടുകളില്‍ അരോവനയെ വളര്‍ത്തിയാല്‍ ഭാഗ്യം വരുമെന്നാണ് വിശ്വാസം. 1.51 ലക്ഷം രൂപയുടെ മീനുകളെയാണ് മോഷണം പോയതെന്ന് പോലീസ് അറിയിച്ചു. അക്വേറിയത്തില്‍ എത്തിയ മൂന്ന് പേരെ കുറിച്ചുള്ള അന്വേഷണത്തിലാണ് പോലീസ്. സിസിടിവിയില്‍ പതിഞ്ഞ ദൃശ്യങ്ങളില്‍ നിന്നുമാണ് സംശയം ഇവരിലേക്ക് നീളുന്നത്.
Keywords: lakh, Mumbai, fish, Kurla, commercial Aquarium, police,
Post a Comment
0 Comments